Almaty qalasy Medeý aýdanynyń turǵyny marıhýana ósirip, ony satýmen aınalysqan dep habarlaıdy Almaty-akshamy.kz Polisia.kz-ke silteme jasap.
«Qarasora – 2023» respýblıkalyq jedel-aldyn alý is-sharasy barysynda bizdiń bólimsheniń qyzmetkerleri esirtki satqany úshin 48 jastaǵy Sh.esimdi azamatty ustady. Onyń úıinen quramynda erekshe ıisi bar ósimdik tektes zat salynǵan 100 lıtrlik plasıkalyq bóshke tárkilendi. Ustalǵan adamnyń aıtýynsha, bul – marıhýana, ol ony óz baqshasynda ósirgen, odan esirtki zaty bar ósimdiktiń 87 túbi anyqtaldy. Aıtpaqshy, bul derek áýe barlaýynyń nátıjesinde dronmen anyqtaldy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Sondaı-aq úıdi tintý kezinde jedel ýákilder Ij markaly tegis uńǵyly ańshy myltyǵy men 5 mıllıon teńgeni tapty.
«Sonymen qatar Qulja tas joly men Popovıch kóshesiniń qıylysynda Almaty oblysy Uıǵyr aýdanynyń turǵyny 1979 jyly týǵan S.esimdi azamattyń basqarýynda bolǵan Mercedes avtokóligi toqtatyldy. Onyń kóligin tintý barysynda ósimdik tektes zat salynǵan 15 polıetılen býma men aqsha tárkilendi. Kúdikti bul esirtki partıasyn Sh.esimdi azamattan satyp alǵany jáne onyń turaqty klıenti ekeni belgili boldy. Saraptama taǵaıyndaldy», – dedi Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.