Sınoptıkter Qazaqstan boıynsha demalys kúnderine arnalǵan aýa raıy boljamyn usyndy, dep habarlaıdy Almaty-akshamy.kz.
«Qazgıdromet» RMK usynǵan málimetke súıensek, aldaǵy kúnderi batys, ońtústik, Aqtóbe jáne Ulytaý oblystarynda kún jaýyn-shashynsyz bolady.
Apta sońynda soltústik óńirlerde, Qaraǵandy oblysynda jańbyr jaýady.
«Eldiń shyǵysynda jáne ońtústik-shyǵysynda jańbyr jaýady, túnde taýly aımaqtarda qar aralas jańbyrǵa aınalýy múmkin», – dep habarlady «Qazgıdromet» RMK baspasóz qyzmeti.
Sınoptıkterdiń málimetinshe, túnde jáne tańerteń elimizdiń soltústiginde, shyǵysynda jáne ortalyǵynda 2 gradýsqa deıin úsik júredi.
Kúndiz respýblıkanyń batysynda aýa +25+30°-qa deıin jylynady.
Soltústik, ońtústik oblystarda jáne respýblıka ortalyǵynda aýa temperatýrasy +18+23°-qa deıin kóterilse, respýblıkanyń shyǵysynda aýa temperatýrasy +7+13°-qa deıin tómendeıdi.