Almaty ákimdigi áleýmettik mańyzy bar taýarlardyń baǵasyn turaqtandyrý úshin qandaı sharalar qabyldap otyr
Almaty qalasy kásipkerlik jáne ınvestısıalar basqarmasynyń málimetinshe, bıyl tamyz aıynda jyldyq ınflásıa azyq-túlik taýarlary baǵasynyń ósý qarqynyn 11,3%-ǵa deıin tómendetý esebinen 13,7%-ǵa deıin baıaýlady, dep habarlaıdy almaty-akshamy.kz
Bıyl 1 qyrkúıekten bastap Almaty oblysynyń fermerlerinen «forvardtyq» satyp alý arqyly satyp alynǵan 20 myń tonna kókónisti, onyń ishinde 2,2 myń tonna qyryqqabatty satý bastaldy. 2023 jyldyń tamyzy men 2024 jyldyń shildesi aralyǵynda 2,5 myń tonna kúrish jetkizýge kelisimge qol qoıyldy, Almaty oblysynyń fermerlerinen qosymsha 1 myń tonna kúrish satyp alý pysyqtalyp jatyr. Saýda jelilerine, sonymen birge áleýmettik mańyzy bar azyq-túlik taýarlaryn óndirýshilerge «aınalym qaryzdary» aıasynda qaryzdar bólinedi. ÁMAT-qa 15% saýda ústemesiniń saqtalýy boıynsha monıtorıń júrgizilip keledi.
Baǵanyń ósýin teńestirý men tapshylyqty boldyrmaý úshin 2023 jyldyń sońyna deıin tonnasyna 90 myń teńge baǵamen 10,3 myń tonna astyq jetkizý úshin 460 mln teńge keıinge qaldyrylǵan.
«Kókónisterdi jetkizýdiń qoldanystaǵy sharttaryna qosymsha qazan aıynda Túrkistan oblysynan qyryqqabat, sonymen qatar, Qaraǵandy jáne Pavlodar oblystarynyń fermerlerinen kartop pen sábiz satyp alý pysyqtalady. Jambyl oblysynyń óndirýshilerimen 1 myń tonna pıaz jetkizý týraly memorandýmǵa qol qoıyldy», - dedi basqarma ókilderi.