Esirtki qylmysyna qarsy kúres basqarmasy júrgizgen jedel-izdestirý is-sharalarynyń nátıjesinde, Bostandyq aýdanyndaǵy kópqabatty úıdegi páterlerdiń birinen esirtki zerthanasy anyqtaldy, dep habarlaıdy aqshamnews.kz.
Ǵımaratta tyıym salynǵan ósimdikter – marıhýana ósirilgen. Tekserý barysynda 17 túp qarasora, shamamen 400 gram daıyn marıhýana, oralǵan baılamdar, elektrondy tarazylar men zańsyz qyzmette paıdalanylǵan bolýy múmkin uıaly telefon tárkilendi.
— Mundaı zerthanalar asa qaýipti. Biz mundaı qylmystyq toptardyń áreketin júıeli túrde jolyn kesemiz jáne zań aıasynda esirtki qylmysymen kúresýdi jalǵastyramyz. Atalǵan derek boıynsha qylmystyq is qozǵaldy. Tergeý jalǵasýda, - dedi, Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaı.
Almaty polısıasy, azamattardy esirtkiniń zańsyz aınalymyna qatysty kez kelgen kúdikti derekter týraly habarlaýǵa shaqyrady.