Almatyda «Ekomed» reproduktıvtí densaulyq klınıkasynyń 30 jyldyǵyna, sondaı-aq elímízdegí qosalqy reproduktıvtí tehnologıyalar mereıtoıyna oraılastyrylyp, jańa ǵımarat ashyldy.
Ǵımarattyń aldyna myńdaǵan qazaqstandyq otbasynyń úmítí men senímí íspettí «Ańsaǵan sábı» bíregeı músíní ornatylǵan. Būl kompozıtsıyada ananyń jyly alaqanynda alańsyz otyrǵan baqytty baldyrǵannyń beınesí kórínís tapqan. Sondaı-aq atalǵan músín Memleket basshysynyń 2020 jyly, bala súıe almaı júrgen erlí-zaıyptylardy qoldau úshín íske qosqan «Ańsaǵan sábı» baǵdarlamasymen úndes desek bolady. Osy bíregeı jobanyń nátıjesínde jaryq dúnıege 9 myńnan astam dení sau bala kelíp, talaı shańyraqty quanyshqa bóledí.
Erekshe ǵımarattyń ashylu saltanatynda «Ekomed» klınıkalar tobynyń negízín qalaushy jáne ǵylymı dırektory, bıologıya ǵylymdarynyń doktory, professor Saltanat Baıqoshqarova sóz sóıledí.
— Meníń armanym – bedeulíktí túbegeılí joyu. «Ańsaǵan sábı» músíní balaly boludy armandaıtyn barlyq otbasy úshín úkílí úmíttíń sımvolyn bíldíredí. Búgíngí kúní elímízde árbír altynshy jūp bedeulíkke tap bolyp otyrǵan kezeńde, bízdíń maqsatymyz – qoǵamnyń nazaryn reproduktıvtí medıtsına men zamanauı tehnologıyalardy qoldau men damytudyń mańyzdylyǵyna audaru, – dep atap óttí Saltanat Baıqoshqarova.
«Ekomed Almaty» klınıkasynyń jańa ǵımaraty álemdík deńgeıdegí eń zamanauı jabdyqtarmen, sonyń íshínde jasandy ıntellekt tehnologıyasy bar Embryoscope Plus ınnovatsıyalyq júıesímen jáne sáttí tūjyrymdama múmkíndígín aıtarlyqtaı arttyratyn Piezo ICSI bíregeı japondyq ádístemesímen jabdyqtalǵan.
– Bízdíń klınıkalar jastardyń otbasyn josparlau taqyrybyna sanaly túrde jaqyndaı túsuí, osy máselede kózí ashyq boluy jáne olardyń ózderíníń reproduktıvtí áleuetín aldyn ala bíluí, sol arqyly ómírge dení sau jańa ūrpaq ákeluí úshín qūryluda. Sondyqtan osy klınıkada Qazaqstannyń jańa buyny paıda bolatynyna senímdímín, – dedí S.Baıqoshqarova.
Saltanatty ís-sharaǵa Qapshaǵaı qalasynan tosynnan qonaq bolyp kelgen Dıana esímdí ádemí boıjetken ortaǵa shyqty. Onyń lebízí jınalǵandardyń bárín tolqytty.
— Meníń ata-anam segíz jyl bala súıe almaı júrgende, talaı synaqtan ótse de, jaqsy kúnderden úmítín úzbeı, qol ūstasyp osy “Ekomed” ortalyǵyna kelgen eken. Nátıjesínde ómírge men keldím. Ár tuǵan kúnímde ákem “esíńde bolsyn, qyzym, seníń ómírge keluíńe sebepshí bolǵan ekínshí anań Saltanat Berdenqyzy” dep otyratyn. Boıjetken shaǵymda osy jandy ízdep, tauyp, tanysyp, rahmetímdí aıtqym keletín. Áleumettík jelíden búgíngí ortalyqtyń ashylatynyn oqyp qalyp, sol sát endí tuǵanyn sezdím de, Saltanat apaıdyń paraqshasyna kíríp, jekesíne shyqtym. Bírden “kele ǵoı, aınalaıyn, bíz sení kútemíz” dedí. Míne, ákem ekeumíz kelíp tūrmyz. Bízdíń shańyraqqa nūr, maǵan jaryq ómír, al ata-anama tolyq baqyt syılaǵan Saltanat Berdenqyzy men Batyr Qarataıūlyna basymdy ıemín! — dedí 23 jastaǵy Dıana Qanatqyzy.
Al tolqyp tūrǵan ákesí qolyndaǵy bír qūshaq gúlín Saltanat Baıqoshqarovaǵa ūsyndy.
Osy 30 jyl íshínde EKO arqyly 20 000-ǵa juyq bala ómír esígín ashty. Iá, búgínde «Ekomed» bedeulíkpen kúreste úmít pen sáttílíktíń sımvolyna aınaldy. Qazírgí kúní reproduktıvtí medıtsına salasynda tanymal kóshbasshyǵa aınalǵan «Ekomedtíń» elímízdíń 12 qalasynda 14 klınıkasy bar.