Erbolat Dosaev Mamyr-5 shaǵyn aýdanyndaǵy 200 adam qabyldaıtyn emhananyń jańa fılıalynyń jumysymen tanysty
Almaty ákimi Erbolat Dosaev jumys sapary barysynda osy jyldyń qyrkúıek aıynyń jumys isteı bastaǵan №18 qalalyq emhananyń jańa fılıalyna bardy, dep habarlaıdy almaty-akshamy.kz
Emhananyń jańa ǵımaratqa kóshýi Mamyr, Dýbok, Taýgúl-3 shaǵyn aýdandarynyń 20 myń turǵyny úshin qýanyshty jańalyq boldy. Aıta keteıik, búginge deıin emhananyń barlyq fılıalyna jumys artyǵymen júktelgen edi. Buǵan deıin 2018 jyldan bastap turǵyndardyń birazyna 60 sharshy metrlik páterde ornalasqan ambýlatorıada qyzmet kórsetilgen.
Erbolat Dosaev medısınalyq kabınetterdi kórip, qajetti tehnıkamen jabdyqtalǵanyn tekserdi, dárigerlermen sıfrlyq kezekti talqylady jáne emhanadaǵy qyzmetterdiń sapasy men yńǵaılylyǵy jóninde kelýshilermen áńgimelesti.
SHJQ "№18 qalalyq emhana" KMK bas dárigeri Sáýlet Qydyrbekova fılıaldyń aýysymyna 200 kelýge arnalǵanyn aıtty. Jańa ǵımaratta beıindi mamandardyń 35 kabıneti, dárigerge deıingi tekserý, skrınıng jáne kúndizgi stasıonar qarastyrylǵan. Barlyq kabınet zamanaýı jabdyqtarmen jabdyqtalǵan, ÝDZ, EKG, aýdıograf, kolposkop apparattary jáne bilikti medısınalyq-sanıtarlyq kómek kórsetý men keńes berý úshin qajetti ózge de qurylǵylar bar.
№ 18 emhana aldyńǵy qatarly halyqaralyq tájirıbe negizinde ázirlengen alǵashqy medısınalyq-sanıtarlyq kómek kórsetýdiń jańa biryńǵaı standartyna sáıkes keledi. Bul standart medısınalyq kómek kórsetý reglamentterine, jobalyq-tehnologıalyq sheshimderge, sıfrlandyrýǵa jáne emhanalardyń menedjmentine qoljetimdilik, sapa, tehnologıalylyq jáne jaılylyq syndy 4 negizgi krıterıı boıynsha túbegeıli ózgerister engizýge negizdelgen.
Emhana turǵyn úılerden jaıaý bara alatyndaı jerde ornalasqan jáne avtokóliktiń barlyq túrine, sonyń ishinde qoǵamdyq kólikterde yńǵaıly kirme joldary bar.
Bıyl Almatyda Jetisý jáne Áýezov aýdanynda barlyǵy 2 jańa emhana ashyldy, sonymen qatar, 2023 jyldyń sońyna deıin aıaqtaý josparǵa engen 4 otbasylyq dárigerlik ambýlatorıanyń qurylysy bastaldy. Qazirgi ýaqytta 11 emhana men otbasylyq ambýlatorıalyq ambýlatorıaǵa JSQ ázirlenip jatyr. Qoldanystaǵy 10 iri kópsalaly stasıonar men perzenthana salý jáne jańǵyrtý jónindegi keshendi baǵdarlama bastaldy.