Skills Enbek (https://skills.enbek.kz/) platformasynda «Kúmis jas» jobasy aıasynda 50 jastan asqan qazaqstandyqtar tegin bilim alyp, odan ári jumysqa ornalasý úshin jańa daǵdylardy ıgere alady.
Skills Enbek platformasynda «Kúmis jas» atty qosymsha bet bar, onda barlyq qol jetimdi kýrstardyń tizimi ornalastyrylǵan, dep habarlaıdy Almaty-akshamy.kz.
Qazirgi ýaqytta marketıń, týrızm, aqparattyq tehnologıalar, aýyl sharýashylyǵy, qarjy, bilim berý jáne áleýmettik qyzmet kórsetý baǵyttary boıynsha 100-den astam kýrs usynyldy.
Azamattar oqý tilin jáne materıaldy usynýdyń yńǵaıly prınsıpin tańdaı alady, sonymen qatar oqý barysyn baqylaý múmkindigi bar.
Paıdalanýshylar úshin daǵdylardy ıgergeni týraly sertıfıkat berý kózdelgen, Elektrondyq eńbek bırjasyndaǵy (enbek.kz) túıindemede barlyq ıgergen daǵdylary týraly aqparttar avtomatty túrde kórsetiledi. Jumys berýshi jumys izdeýshiniń túıindemesinen sertıfıkattar men alǵan daǵdylaryn kóredi.
Jaqyn arada «Kúmis ýnıversıteti» jobasy aıasynda jetekshi joǵary oqý oryndarymen yntymaqtastyq arqyly usynylatyn kýrstar jelisin keńeıtý josparlanýda.