Ol kináli dep tanylyp, 2 jyl 6 aı merzimge bas bostandyǵynan aıyryldy.
Almaty polıseıleri ótken jyly jol-kólik oqıǵasy saldarynan balalardy qaǵyp ketken júrgizýshi sottalǵanyn jetkizdi, dep habarlaıdy Almaty-akhamy.kz.
Mamandardyń aıtýynsha, bul jol-kólik oqıǵasy 2020 jyly 25 shildede «Alataý» yqshamaýdanynda oryn alǵan.
«Júrgizýshi A.A.Arystanov, «Toyota Camry» markaly kólikti basqara otyryp, «Almaty-Kókpek-Kóktal-Alataý» tas joly boıymen batys baǵytta júrip kele jatty. Shamamen 20 saǵat 55 mınýtta A.A.Arystanov Jol qozǵalysy erejesiniń 10.1-tarmaǵynyń talaptaryn buza otyryp, qozǵalys qarqyndylyǵyn jol jáne meteorologıalyq jaǵdaılardy, atap aıtqanda, júrý baǵytynda kórinýdi eskermeı, qozǵalys jyldamdyǵyn tańdamaı, jol erejesin saqtaý maqsatynda kólik quralynyń qozǵalysyn únemi qadaǵalap otyrmaı, jol ýchaskesinde - «Alataý» shaǵynaýdanynan batysqa qaraı 134 metrde, JQE 8.1, 11.1 tarmaqtarynyń talaptaryn eskermeı, qaýipti manevr jasaǵan kezde, qarama-qarsy jolaqtyń bos ekendigine kóz jetkizbeı jáne osy manevr arqyly basqa jol qozǵalysy qatysýshylaryna eshqandaı kedergi jasamaıtynyna senimdi bolmastan, qarsy jolaqta kele jatqan tórt dóńgelekti kvadrosıklmen soqtyǵysý jasady», – deıdi Almaty qalalyq polısıa departamenti bastyǵynyń orynbasary, polısıa podpolkovnıgi Rústem Ábdrahmanov.
Almaty qalalyq polısıa departamenti baspasóz qyzmetiniń habarlaýynsha, kvadrosıkldy 16 jasar jasóspirim basqaryp kelgen. Osy jol-kólik oqıǵasynyń saldarynan motoquralynyń júrgizýshisi medısınalyq mekemede alǵan jaraqattarynan qaıtys bolǵan. Onyń jolaýshysy 4 jasar qyz aýyr jaraqat alǵan.
Sot sheshimimen A.A.Arystanov Qazaqstan Respýblıkasy Qylmystyq kodeksiniń 345-baby 3-bóliginde kózdelgen qylmysty jasaǵany úshin kináli dep tanylyp, oǵan osy bap boıynsha 2 (eki) jyl 6 (alty) aı merzimge bas bostandyǵynan, 4 (tórt) jyl merzimge kólik quraldaryn basqarý quqyǵynan aıyrý jazasy taǵaıyndaldy, jazasyn eń tómengi qaýipsizdiktegi qylmystyq sot júıesi mekemelerinde óteıdi. «Úıqamaqqa alý» túrindegi bultartpaý sharasy ózgertilip, A.Arystanov sot zalynda qamaýǵa alyndy.