Sebebi baılanys ortalyǵy jumys isteı bastady.
Qazaqstanda Áleýmettik qyzmetter portalyn qoldaý boıynsha baılanys ortalyǵy jumys isteı bastady, onda aqparattyq-konsýltasıalyq qyzmetterdi memlekettik jáne orys tilderinde usynady, dep habarlaıdy Almaty-akshamy.kz.
Atalmysh ortalyqqa tildi tańdap, 4 sanyn basa otyryp, biryńǵaı 1414 nómiri arqyly kirýge bolady.
«Ortalyq operatorlary portal paıdalanýshylary – múgedektigi bar adamdar jáne áleýmettik qyzmetterdi jetkizýshiler úshin aqparattyq-konsýltasıalyq qyzmetterdi memlekettik jáne orys tilderinde usynady. Atap aıtqanda, portal jumysy boıynsha keńes alýǵa, tehnıkalyq máseleler boıynsha suranymdy sheshýge, portal fýnksıalaryn jetildirý boıynsha keri baılanys alýǵa bolady»,– delingen Eńbek jáne halyqty áleýmettik qorǵaý mınıstrliginiń baspasóz qyzmeti taratqan habarlamada.
Búgingi tańda ortalyqta 3 analıtık jáne 5 operator jumys isteıdi, taǵy 3-eýi oqýdan ótýde. Baılanys ortalyǵynyń jumys tártibi: jumys kúnderi saǵat 09:00-den 18:30-ǵa deıin, úzilissiz.
Sondaı-aq, Facebook áleýmettik jelisinde, Telegram messendjerlerinde jáne WhatsApp paıdalanýshylaryna keńes berý úshin chat-botty iske qosý josparlanyp otyr.
Sonymen qatar, avtomattandyrylǵan daýystyq robotty engizý jumystary júrgizilýde. Bul konsýltasıalar qoljetimdiliginiń joǵary deńgeıin qamtamasyz etýge, jaýap berilmeı qalǵan qońyraýlar sanyn azaıtýǵa jáne suraý sheshilgenge deıin kútý ýaqytyn azaıtýǵa múmkindik beredi.
Esterińizge sala keteıik, Áleýmettik qyzmetter portaly múgedektigi bar adamdarǵa tikeleı jetkizýshilerden ońaltý quraldary men qyzmetterin óz betinshe satyp alý múmkindigin berý úshin 2020 jyly iske qosyldy.
Aǵymdaǵy jyldyń basynan bastap 113 myńnan astam múgedektigi bar adam Portal arqyly ońaltýdyń tehnıkalyq quraldaryn, ymdaý tiliniń 6 myńnan astam qyzmetin, jeke kómekshiniń 31 myńnan astam qyzmetin, 36 myńǵa jýyq sanatorlyq-kýrorttyq emdeý qyzmetin aldy jáne 122 myńnan astam adam kepildik berilgen áleýmettik toptamalarǵa tapsyrys jasady.