Almaty qalasynyń Ekologıa jáne qorshaǵan orta basqarmasy qala aýmaǵynda kúzgi maýsymdyq jumystar bastalǵanyn málimdedi, - dep habarlaıdy Aqshamnews.kz tilshsi.
Qazir birjyldyq gúlderdi — tagetıs, sınerarıa, begonıa jáne petýnıany jınaý júrgizilip jatyr.
Qazir birjyldyq gúlderdiń gúldeý kezeńi aıaqtalyp, sándik kelbeti solǵyn tartqan, qystyń sýyǵyna tótep bere almaıdy. Olardyń ornyna gúlzarlarǵa qyzǵaldaq pıazshyqtary otyrǵyzylyp, kóktemde qala kóshelerin túrli-tústi ásem gúlderimen kómkermek.
Kópjyldyq ósimdikterdi de qysqy kezeńge daıyndaý jumystary júrip jatyr: ósimdiktiń jer betine shyǵyp turǵan sabaǵy kesilip, qystan aman shyǵýy úshin topyraqpen jabylyp, kútim jasalyp jatyr.
2025 jyly Almaty qalasynda sándik-gúldi kógaldandyrý aýmaǵy 219 639 sharshy metrge jetpek. Onyń ishinde 77 386 sharshy metri (36%) — birjyldyq gúlder, al 142 253 sharshy metri (64%) — kópjyldyq ósimdikter, sonyń ishinde ótken jyldary egilgen túrleri bar.