Almatyda medısınalyq ortalyqtardyń birine kútýshi bolyp kirgen azamat emdelýshiniń 2 mln teńgesin jymqyrǵan, dep habarlaıdy Almaty-akshamy.kz.
Polisia.kz aqparaty boıynsha, 32 jastaǵy R.esimdi azamat urlyq jasady degen kúdikke ilingen. Kúdikti usaq-túıekke deıin eseptegen, árbir qadamyn aldyn ala oılastyryǵan. R.esimdi azamat medısınalyq ortalyqtardyń birine kútýshi bolyp jumysqa ornalasypty.
Onyń ústine, ol bul bos oryndy jumyspen qamtý agenttigi arqyly tapqan-mys. Al “qolaıly” emdelýshi birden tabyldy. Bárin keıinge qaldyrmaı, isker azamat áreketke kiristi. Jábirlenýshiniń sońynan ergen “kútýshi” naýqastyń telefonynda qupıa sózdiń joqtyǵyna kóz jetkizip, qolaıly sátti paıdalanyp, banktik qosymshasyn ashyp, naýqastyń shotynan óz esebine 2 mln teńge kóleminde qarajat aýdarǵan.
«Jedel-izdestirý sharalary barysynda kúdikti ustaldy. 1991 jyly týǵan R.esimdi azamat óz kinásin moıyndap, qylmysqa qatysy baryn rastady. QR QK-niń 188-baby 3-bóligi boıynsha qylmystyq is tirkeldi. Ustalǵan adamnyń jeke basy basqa da yqtımal qylmystyq quqyq buzýshylyqtarǵa qatysy bar-joǵyna tekserilýde. İstiń tolyq jáne jan-jaqty tergelýin qamtamasyz etýge baǵyttalǵan birqatar tergeý áreketteri júrgizilýde, nátıjesinde prosesýaldyq sheshim qabyldanatyn bolady», – dedi Áýezov aýdandyq polısıa basqarmasynyń bastyǵy Ulan Ábilqaıyr.