Ánshi Tóreǵalı Tóreáli esirtkige mas kúıinde kólik quralyn basqarǵany úshin ákimshilik jaýapkershilikke tartyldy.
Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda ózge kólik quraldaryna zaqym keltirýge ákelip soqqan esirtkige mas kúıinde kólik quralyn basqarý faktisi (QR ÁQBtK 608-baby 3-bóligi) boıynsha azamat A-ǵa qatysty ákimshilik is qaraldy, dep habarlaıdy Almaty-akshamy.kz Zakon.kz-ke silteme jasap.
Sot 2023 jyldyń 14 maýsymynda kólik rólindegi azamat A. mas kúıinde patrúldik kólikti qaqqanyn anyqtady. Apat saldarynan avtokólikterge mehanıkalyq zaqym keldi.
Sot otyrysynda quqyq buzýshy is materıaldarynda baıandalǵan faktilerdi rastap, ókinish bildirdi.
«QR ÁQBtK-niń 608-babynyń 3-bóliginde kózdelgen ákimshilik quqyq buzýshylyq jasaǵany úshin sot qaýlysymen A. kináli dep tanyldy. Oǵan 7 jyl merzimge kólik quralyn basqarý quqyǵynan aıyra otyryp, 20 táýlik merzimge qamaýǵa alý túrinde ákimshilik jaza qoldanyldy», - dep habarlady Almaty qalalyq sotynyń baspasóz qyzmeti.