Búgin QR Ulttyq kitaphanasynda etnograf-ǵalym, ólketanýshy, pýblısıs Serikbol Qondybaıdyń ǵylymı murasyn nasıhattaý maqsatynda «Serikbol Qondybaıdyń ǵylymı murasy. Ulttyq gýmanıtarlyq bilim strategıalary jáne rýhanıat» atty halyqaralyq ǵylymı-praktıkalyq konferensıa ótti, dep habarlaıdy Almaty-akshamy.kz.
Konferensıa barysynda QR Memlekettik syılyǵynyń ıegeri, fılosofıa ǵylymdarynyń doktory, profesor Murat Sábıt, abaıtanýshy, aǵartýshy, dramatýrg, aýdarmashy, baspager Rollan Seısenbaı, Serikbol Qondybaıdyń ustazy, ál-Farabı atyndaǵy QazUÝ profesory Larısa Veselova, qoǵam qaıratkeri Balsulý Qondybaı, «Aspandaý» ǵylymı-bilim berý qorynyń prezıdenti Arnur Nurqatov sóz sóılep, Serikbol Qondybaıdyń ǵylymı murasyna toqtalyp, sóz sóıledi.
Sondaı-aq konferensıada 5 taqyryptyq seksıa boıynsha baıandamalar oqyldy. Atap aıtsaq, Serikbol Qondybaı eńbekteriniń ulttyq jáne álemdik ǵylymı keńistiktegi tarıhı-mádenı mańyzy, Serikbol Qondybaı jáne túrik-qazaq mıfologıasy, Adamzat mádenıetiniń damýyndaǵy mıfologıa, Mıfti zertteý jáne fılosofıalyq túsiný tarıhy jáne Qazirgi mıfologıa. Jahandaný jáne kúndelikti daǵdarys taqyryptary qamtyldy.
Jıyn «Mıfologıa: keshe jáne búgin» atty dóńgelek ústelge jalǵasyp, konferensıada oqylǵan baıandamalar talqylandy. Talqylaý barysynda K.Saǵadıev atyndaǵy Halyqaralyq bıznes ýnıversıteti stýdentteriniń jobalary qatysýshylar nazaryna usynyldy.
Shara aıasynda QR Ulttyq kitaphanasy qorynan «Serikbol Qondybaı álemi» atty ómiri men shyǵarmashylyǵyna arnalǵan kitap kórmesi uıymdastyryldy.