Almatyda Radıoelektronıka jáne baılanys Áskerı-ınjenerlik ınstıtýtynyń kýrsanttary ózderiniń saılaý ýchaskesinde birinshi bolyp daýys berdi, - dep habarlaıdy almaty-akshamy.kz
Bul ınstıtýt – strategıalyq mańyzdy obekt. Kýrsanttar aýmaqtan shyǵa almaıdy. Tańerteńgi saǵat 6-da JOO ǵımaratynda ornalasqan № 143 saılaý ýchaskesine kirer aldynda 400-den astam kýrsant jınaldy.
Bolashaq ofıserlerdiń biri – Dastan Qanat Radıoelektronıka jáne baılanys Áskerı-ınjenerlik ınstıtýtynyń basqa kýrsanttary Qýanysh Aıýbaı jáne Sergeı Lımen birge keshe ǵana saılaý qarsańynda Sankt – Peterbýrgten keldi, onda qazaqstandyq áskerı JOO komandasy TMD-ǵa qatysýshy memleketterdiń joǵary bilim berý uıymdary kýrsanttarynyń VII Halyqaralyq olımpıadasynda sátti óner kórsetti. Olımpıada qorytyndysy boıynsha qazaqstandyq komanda Ózbekstan men Reseıdiń baǵdarlamashylarynan jeńilip, úshinshi orynǵa ıe boldy.
«Men VIREIS-tiń 5-kýrs kýrsantymyn. Búgin elimizdiń damýy úshin aıtýly kún. Barlyq kýrsant sanaly túrde óz tańdaýyn jasady. Men ınstıtýt qabyrǵasynda saılaýǵa qatysyp, Qazaqstannyń senimdi bolashaǵy úshin óz daýysymdy bergenime óte qýanyshtymyn. Meniń oıymsha, QR árbir azamaty muny jaýapkershilikpen jasaýy kerek jáne saılaýda halyq tańdaǵan kandıdattar men partıalar jeńiske jetetinine senimdimin»,-deıdi kýrsant Dastan Qanat.