Almatydaǵy kóptegen saılaý ýchaskesinde tańǵy 7-den bastap daýys berýge barǵandar qatary qalyń.
Olardyń ishinde Almaly aýdanynyń №144 mektep-gımnazıasynyń ǵımaratynda ornalasqan №60 saılaý ýchaskesi bar, dep habarlaıdy Almaty-akshamy.
«Bizdiń ýchaskedegi búletender sany – 2644. Daýys berý ýaqyty aıaqtalǵansha saılaýshylardyń sany áli de ósedi dep kútilýde. Tańerteńnen bastap daýys bergisi keletinder óte kóp. Biz 18 jasqa tolyp, alǵash ret daýys berýge kelgen saılaýshylar úshin «Qazaqstan» shokolady men jalaýlar daıyndadyq»,-dedi ýchaskelik saılaý komısıasynyń hatshysy Venera Qystaýova.
Onyń aıtýynsha, saılaý ýchaskesine ártúrli jastaǵy azamattar barady. Birazy basqa jumystarymen alańsyz aınalysý úshin erterek daýys berip ketedi. Mysaly, energetık Meldıhan Smaıylov úshin jeksenbi kúngi jumys azamattyq boryshyn oryndaýǵa kedergi emes. Al keıbir azamattar túngi kezekshilikten keıin daýys beredi.
Esterińizge sala keteıik, saılaý ýchaskeleri 20.00-ge deıin jumys isteıdi. Áli daýys berip úlgermegender óziniń saılaý ýchaskesine baryp, jeke kýáligi arqyly daýys bere alady.