Almatydaǵy №256 saılaý ýchaskesinde 2709 saılaýshy tirkelgen. Bul saılaý okrýgi de jumysyn tańǵy saǵat 07.00-de Ánuranymyzben bastady. Eń alǵash bolyp daýys bergen almatylyqtyń da aty-jóni belgili, Ol — Shıhotov Vladımır Semenovıch. Almatylyq Mıra Qaspaqpova da alǵashqylardyń biri bolyp óz tańdaýyn jasady.
— Bul — úlken jaýapkershilik. Baqýatty ómir, jańa Qazaqstannyń gúldenýi úshin daýysymdy berdim. Keshke deıin áli ýaqyt kóp, sondyqtan daýys berýden qalys qalmaıyq. Bári óz qolymyzda, — deıdi ol.
№256 saılaý komısıasynyń tóraǵasy Sábıt Jetpisbaev saılaý okrýginde múmkindigi shekteýli adamdarǵa jeke kabına jáne kózi kórmeıtin, qulaǵy estimeıtin jandarǵa óz aldyna kompúter qoıylǵanyn atap ótti. Onyń boljaýynsha, halyqtyń belsendiligi saǵat 10.00-11.00-ge qaraı arta túsedi.