«Almaty Business Development Company» Almaty qalasynyń bıznesti damytý kompanıasymen súıemeldenetin ınvestısıalyq joba «Alataý» ınovasıalyq tehnologıalar parki arnaıy ekonomıkalyq aımaǵynda iske asyrylatyn bolady. Onda zaýyt qurylysyna shıkizat jetkizý jáne daıyn ónimdi tıep-jóneltý úshin yńǵaıly logıstıkalyq ornalasýdy qamtamasyz etetin, aýdany 2 gektardan astam jer ýchaskesi bólindi.
Aýdany shamamen 2,5 myń sharshy metr bolatyn kásiporyn jyl saıyn 250 000 kún modýlin shyǵarady. Bir modýldiń qýaty 585 Vt-tan bastalady. Ónim «TGS-Solar» brendimen shyǵarylady. Kásiporynnyń iske qosylýy aǵymdaǵy jyldyń jeltoqsan aıyna josparlanǵan.
Zaýttyń jyldyq qýattylyǵy 150 MVt. Zaýyt zamanaýı jabdyqtarmen, sonyń ishinde kún panelderin qurastyrýǵa arnalǵan avtomatty jelilermen, lazerlik plazmalyq keskishtermen jáne avtomatty dánekerleý mashınalarymen jabdyqtalady. Zaýyt qalalyq ekonomıkany damytýdyń qosymsha yntalandyrýshysy bolady, 100-den astam jańa jumys oryndaryn qurady, sondaı-aq qazaqstandyq quramdas bólikter men materıaldar óndirýshileriniń tizbegin qalyptastyratyn bolady.
Zaýytqa kredıt berýdi «Almaty Business-2025» kásipkerlikti damytýdyń óńirlik baǵdarlamasy sheńberinde «Altyn Group» JSHS júzege asyrady. Kredıttik lımıt boıynsha syıaqy stavkasy 6%, qarjylandyrý merzimi - 7 jyldy quraıdy. «Almaty Fınans» qaryz qarajatyn eskere otyryp, ınvestısıalardyń jalpy somasy 2,1 mlrd teńgeden asady.
Jobanyń maqsaty – jańartylatyn energetıkany damytý jáne eldegi kún panelderine ósip kele jatqan suranysty qanaǵattandyrý.
Qazirgi ýaqytta QR JEK úlesi 5,8% quraıdy, 2035 jylǵa qaraı 16%-ǵa deıin ulǵaıtý josparlanýda. Kún panelderin óndirý zaýytynyń qurylysy Qazaqstan Respýblıkasy Prezıdenti Qasym-Jomart Toqaevtyń energetıkalyq mashına jasaýdy damytý, 2060 jylǵa qaraı kómirtegi beıtaraptyǵyna qol jetkizý, 2029 jylǵa qaraı Qazaqstan Respýblıkasynyń JİÓ-in eki esege arttyrý jáne Qazaqstan Respýblıkasynyń eksporttyq áleýetin kúsheıtý jónindegi talaptaryna sáıkes júzege asyrylady.