Roman ulttyq dástúrdi saqtaý sıaqty qundylyqtar arqyly búkilálemdik suraqtarǵa jaýap izdeıdi
Búgin Ulttyq kitaphanada Mecenat.kz ádebı baıqaýynyń tuńǵysh jeńimpazy, jazýshy Sharhan Qazyǵuldyń «ARNA-B» baspasynyń qoldýymen jaryq kórgen «Kúlpet» romanynyń tusaýkeseri ótti, dep habarlaıdy Almaty-akshamy.kz.
«Kúlpet» romany Qazaqstannyń sosıalızm dáýirindegi kezeńinen bastap qazirgi kúnge deıingi tarıhyn basty keıipker Ábýjan Raıysovtyń ómiri men taǵdyry arqyly sýretteıdi. Roman týǵan jerge degen mahabbat pen shynaıy patrıotızm, qazaq áıeliniń adaldyǵy, ulttyq dástúrdi saqtaý sıaqty qundylyqtar arqyly búkilálemdik suraqtarǵa jaýap izdeıdi.
İs-sharany «Azıanyń Shyǵarmashylyq Bogemıasy» birlestiginiń jetekshileri Gúlnara Jandybaev jáne Alma Nýtýshova quttyqtaý sózben ashty.
Sharada memleket jáne qoǵam qaıratkeri, «Qurmet» jáne «Parasat» ordenderiniń ıegeri Berdibek Saparbaev, Qazaqstannyń eńbek sińirgen qaıratkeri, jazýshy, dramatýrg Smaǵul Elýbaı, Qazaqstannyń halyq ártisi, teatr jáne kıno akteri Dosqan Joljaqsynov «Kúlpet» romany jaıly óz pikirlerimen bólisip, kitaptyń tusaýkeser rásimin jasady.
Shyǵarmashylyq kezdesýde «Kúlpet» romanynyń avtory Sharhan Qazyǵul, Mecenat.kz ádebı baıqaýynyń quryltaıshysy Erlan Asqarbekov, «Kitapfest» kitap festıvalin uıymdastyrýshy Beknur Qısyqovtar sóz sóılep, aldaǵy josparlarmen bólisip, osy jobalardy uıymdastyrýda qoldaý kórsetken ádebıet janashyrlaryna alǵystaryn jetkizdi.
Qazaqstannyń eńbek sińirgen qaıratkeri, dástúrli ánshi Aıgúl Qosanova jáne Qurmanǵazy atyndaǵy Qazaq Ulttyq konservatorıasynyń stýdentteri Sharhan Qazyǵuldy arnaıy quttyqtaı kelip, ásem ánmen shashý shashty.
Shara sońynda uıymdastyrýshylar Qazaqstan Respýblıkasynyń Ulttyq kitaphanasyna rızashylyqtaryn bildirip, alǵys hat tabystady.