Almaty qalasynyń Qylmystyq ister jónindegi mamandandyrylǵan aýdanaralyq soty azaptaýdy qoldanǵan eki polısıa qyzmetkerine qatysty aıyptaý úkimin shyǵardy, dep habarlaıdy aqshamnews.kz.
Qylmystyq isti Almaty qalasynyń arnaıy prokýrory tergep-tekserdi.
— 2023 jyly 29 naýryzda kináli polısıa qyzmetkerleriniń týysynyń páterine jetkizilgen azamatqa qatysty oǵan bótenniń múlkin urlaǵanyn moıyndatý maqsatynda azaptaýlar qoldanylǵany dáleldendi. Polısıanyń zańǵa qaıshy áreketteriniń saldarynan jábirlenýshige tán azaby keltirilgen. Kináni moıyndaý týraly prosestik kelisimin eskere otyryp, sot úkimimen sottalýshylarǵa 3 jyl 6 aı merzimge shartty túrde bas bostandyǵynan aıyrý jazasy taǵaıyndalyp, probasıalyq baqylaý belgilendi. Sottalǵandar arnaýly ataqtarynan jáne memlekettik qyzmette jumys isteý quqyǵynan aıyryldy. Úkim zańdy kúshine endi, — delingen vedomstvo habarlamasynda.
Prokýratýranyń usynýy boıynsha qaramaǵyndaǵylardyń qyzmetine baqylaýdyń joqtyǵy jáne qyzmettik mindetterin tıisinshe oryndamaǵany úshin 10 polısıa qyzmetkeri, onyń ishinde 5 qurylymdyq bólimshe basshysy tártiptik jaýaptylyqqa tartyldy.