Bul týraly Joǵarǵy aýdıtorlyq palata habarlady.
Qazaqstannyń orta bilim berý salasynda 62,4 mlrd teńge qarajat pen resýrstardy tıimsiz josparlaý anyqtaldy, dep habarlaıdy aqshamnews.kz
Bilim berý standarttary salasyndaǵy reformalar júıeli júrgizilmeıdi. Oqý josparlaryndaǵy jıi ózgerister shyǵarylyp qoıǵan oqýlyqtardy qaıta qaraýǵa jáne búdjettiń tıimsiz shyǵystaryna ákeledi. Sońǵy 5 jylda oqýlyqtardy qaıta qaraý saldarynan ekonomıkalyq shyǵyndar 16 mlrd teńgeden asqan.
"Oqýlyqtardyń sapasyn saraptaý men baqylaýda kemshilikter anyqtaldy. 5 jyl ishinde baǵalaý ólshemsharttary 12 ret ózgergen, bul ornyqty baǵalaý júıesiniń joq ekenin kórsetedi. Memlekettik kórsetiletin qyzmetterdi baqylaý aqparattyq júıesi arqyly saraptama tártibi iske asyrylmaǵan, rásimder qaǵaz júzinde júrgiziledi", - dep jazylǵan habarlamada.
Sonymen qatar lısenzıalaý sapaly bilim alýdaǵy memlekettik kepildiginiń biri bolsa da, elde memlekettik mektepterdi qosa alǵanda, 66 mektep lısenzıasyz jumys isteıdi. Atestattaýdan sátti ótý paıyzy tómen, bul bilim berý mekemelerinde taralǵan júıeli problemalardy dáleldeıdi. Mektepterdiń tek 18,2%-y atestattaýdan bir degennen óte alady.
Jalpy memlekettik aýdıt barysynda 1,1 mlrd teńgege qarjylyq buzýshylyqtar, 62,4 mlrd teńgege qarajat pen resýrstardy tıimsiz josparlaý, 3,2 mlrd teńgeni tıimsiz paıdalaný anyqtaldy.