Premer-Mınıstr Álıhan Smaıylov Ekonomıkalyq saıasat jónindegi keńes otyrysyn ótkizdi, onda ekonomıkany nesıelendirý máseleleri qaraldy, dep habarlaıdy Almaty-akshamy.kz.
Talqylaýǵa Ulttyq bank tóraǵasy Ǵalymjan Pirmatov, Prezıdent Ákimshiligi Basshysynyń birinshi orynbasary Tımýr Súleımenov, Qazaqstan qarjygerleri qaýymdastyǵy keńesiniń tóraǵasy Elena Bahmýtova, Qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanov jáne t. b. qatysty.
Keńes barysynda energetıka, aýyl sharýashylyǵy jáne basqa da salalarda jumys isteıtin kásipkerlerdiń kredıttik resýrstarǵa qoljetimdiligin keńeıtý boıynsha usynystar qaraldy.
Otyrys qorytyndysy boıynsha Premer-Mınıstr Úkimettiń ekonomıkalyq blogyna basym sektorlar men perspektıvti jobalar tizbesin pysyqtaýdy, sondaı-aq el ekonomıkasyna áserin eskere otyryp, usynylatyn sharalardy qosymsha taldaýdy tapsyrdy.