Almatyda kóshi-qon zańnamasyn buzǵan Ózbekstan azamaty quryqtaldy, – dep habarlaıdy almaty-akshamy.kz.
Almaty qalasy áýejaıyndaǵy jelilik polısıa bóliminiń qyzmetkerleri reıdtik is-sharalardy júrgizý barysynda Ózbekstan Respýblıkasynyń 22 jastaǵy azamatyn anyqtady, ol tıisti tirkeýsiz jolaýshylardy jeke tasymaldaýmen (taksı) aınalysqan.
Budan bólek, sheteldik azamat Qazaqstan Respýblıkasynyń halyqtyń kóshi-qony salasyndaǵy zańnamasyn buzǵany anyqtaldy, ıaǵnı júzege asyratyn qyzmeti vızada kórsetilgen maqsattarǵa sáıkes bolmaǵan nemese qajetti ruqsat almastan, Qazaqstan Respýblıkasynda eńbek qyzmetin júzege asyrǵan. Quqyq buzýshyǵa qatysty QR ÁQBtK-niń 463-baby 1-bóligi (Tıisti tirkeýsiz kásipkerlik qyzmetpen aınalysý) jáne QR ÁQBtK-niń 517-baby 5-bóligi (Sheteldiktiń nemese azamattyǵy joq adamnyń Qazaqstan Respýblıkasynyń Halyqtyń kóshi-qony salasyndaǵy zańnamasyn buzýy) boıynsha eki ákimshilik hattama toltyryldy. Almaty qalasynyń mamandandyrylǵan aýdanaralyq ákimshilik sotynyń sheshimimen sheteldik quqyq buzýshy 5 jyl merzimge QR aýmaǵyna kirýge tyıym salý belgilenip, QR tysqary shyǵaryp jiberý túrinde ákimshilik jaýapkershilikke tartyldy.