Qazaqstan aýmaǵyna kedendik bajdar men salyqtardy tóleýden bosatyla otyryp, 6 875 elektromobıl ákelingen.
Memlekettik kirister komıtetine súıensek, 2023 jyldyń sońyna deıin kvota boıynsha kedendik bajdar men salyqtardy tóleýden bosatyla otyryp, otandastarymyzǵa taǵy 8 477 elektromobıl ákelý múmkindigi bar.
"Jeke tulǵalar jeke paıdalanýǵa arnalǵan elektromobıl ımporty kezinde jylyna bir ret jolaýshylar kedendik deklarasıasyn berý arqyly kedendik bajdar men salyqtardy tóleýden bosatyla otyryp, 1 elektromobıl ákele alady, tıisinshe qandaı da bir tólemderdi tóleýdiń qajeti joq", -dedi QR QM Memlekettik kirister komıteti baqylaý departamentiniń dırektory Eldos Saýdabaev
Ol úshin Qazaqstan Respýblıkasynyń azamaty bolý jáne Qazaqstan Respýblıkasynda turaqty turý qajet.
Sonymen qatar azamatqa osy elektromobıldi ıelený, paıdalaný, bılik etý quqyǵyn Reseı Federasıasynyń azamattyǵy bar jáne Reseı Federasıasynda turaqty turatyn adamdarǵa kedendik tazartý sátinen bastap 3 (úsh) jyl ishinde berýge tyıym salý túrinde shekteýler qoıylady.
Jolaýshylar kedendik deklarasıasyn berý úshin azamat óz betinshe (keden ókilderiniń qyzmetterine júginý múmkindigi bar) Qazaqstan Respýblıkasy azamatynyń jeke basyn kýálandyratyn qujatty, sondaı-aq taýarǵa ilespe qujattardy usyna otyryp, keden beketine ınspektorǵa júgine alady.
Komıtet EEK Keńesiniń sheshimimen 2022 jáne 2023 jyldary elektromobılderge bajsyz ákelý múmkindigi berilgenin atap ótti.
Búgingi tańda Eýrazıalyq ekonomıkalyq komısıa alańynda bajsyz ákelý múmkindigin 2025 jylǵa deıin uzartý jónindegi másele qaralyp jatyr.
"Joǵaryda atalǵan kvota sheńberinde kedendik bajdardy tóleýden bosatyla otyryp, biraq taýar qunynyń 12% mólsherinde QQS tóleı otyryp jáne 20 000 teńge mólsherinde kedendik alym tóleı otyryp, elektromobıldi ákelýdiń basqa múmkindigi bar", dep jazdy QR QM Memlekettik kirister komıtetiniń baspasóz qyzmeti