Akademık N. J. Batpenov atyndaǵy Ulttyq ǵylymı travmatologıa jáne ortopedıa ortalyǵynda18 jastaǵy pasıenttiń sol qolynyń úsh saýsaǵyn transplantattaý boıynsha biregeı mıkrohırýrgıalyq operasıa jasaldy.
Jaraqat elektrlik arany paıdalanýǵa baılanysty jazataıym oqıǵadan boldy, dep habarlaıdy aqshamnews Densaýlyq saqtaý mınıstrligine silteme jasap.
9 saǵatqa sozylǵan operasıa hırýrgtardan dáldik pen sheberlikti talap etti. Sońǵy operasıalyq mıkroskopty qoldaný arqyly dárigerler bólingen saýsaqtardyń barlyq zaqymdalǵan tamyrlaryn, nervterin, sińirlerin jáne súıek qurylymdaryn qalpyna keltirdi. Bul elementterdiń shaǵyn kólemine jáne operasıanyń joǵary kúrdeliligine qaramastan, barlyq dáneker tinder sátti biriktirildi.
«Bul operasıa bizdiń ortalyqta kórsetiletin medısınalyq kómektiń eń joǵary deńgeıiniń jarqyn mysaly bolyp tabylady», – dep atap ótti Akademık N.J. Batpenov atyndaǵy UǴTOO mıkrohırýrgıa jáne qol jaraqaty bólimshesiniń meńgerýshisi Maqsut Ibraev - «Zamanaýı jabdyqty paıdalaný jáne bizdiń mamandardyń jınaqtalǵan tájirıbesi bizge eń qıyn jaǵdaılardy sátti sheshýge múmkindik beredi».
Bıylǵy jyly bul ortalyqta jasalǵan qol saýsaqtarynyń ártúrli segmentterin qaıta transplantattaý boıynsha sátti operasıa ekenin atap ótken jón. Barlyq aldyńǵy pasıentter transplantattalǵan saýsaqtardyń qyzmetin tolyǵymen qalpyna keltirdi.