Almatyda “Mıgrant” operasıasy júrgizildi.
Onyń aıasynda kóshi-qon erejelerin buzǵany úshin el aýmaǵynan 7 afrıkalyq azamat shyǵaryldy, dep habarlaıdy Almaty-akshamy.kz Polisia.kz-ke silteme jasap.
Almaty qalasynyń polıseıleri kóshi-qon erejelerin buzǵany úshin el aýmaǵynan shyǵaryp jiberý týraly sot sheshimderin oryndaýdan qashyp júrgen sheteldikterdi anyqtaý sharalaryn júrgizip jatyr. İs-sharanyń úsh kúninde kóshi-qon zańnamasyn buzǵandardy el aýmaǵynan shyǵarý týraly 504 sot sheshimi shyqty. 62 sheteldik kúshtep shyǵaryldy. Olardyń barlyǵyna 5 jylǵa deıin Qazaqstanǵa kirýge tyıym salyndy.
Osylaısha polıseıler Almaty qalasy ákimdiginiń kómegimen Afrıka kontınentiniń 7 turǵynyn azamattyq alǵan elderine kúshtep shyǵaryp jiberdi. Atalǵan sheteldikter belgilengen merzimde Qazaqstannan shyqpaı, elimizdiń kóshi-qon zańnamasyn buzyp, sot qaýlysymen QR sheginen shyǵaryp jiberý túrindegi ákimshilik jazaǵa tartyldy. Sonymen qatar polısıa tártip buzýshy sheteldikterdi shaqyrǵan uıymdardy ákimshilik jaýapkershilikke tartyp, 90 myń teńge kóleminde aıyppul saldy. Sondaı-aq bul uıymdarǵa shyǵaryp jiberýge jumsalǵan qarajattyń ornyn toltyrý týraly talap qoıyldy. Kóshi-qon qyzmeti elge sheteldikterdi shaqyratyn qazaqstandyqtarǵa shaqyrylǵan sheteldik azamattardyń elden ýaqytyly shyǵarýyn uıymdastyrý qajettigin eske salady.