«Qaıyrymdylyq»kúnine oraı komýnaldyq qyzmetkerlerge ystyq tamaq, shaı taratyldy, dep habarlaıdy Almaty-akshamy.kz
Bul kún elimizdiń halqyn meıirimdilik pen tatý kórshilikke shaqyrady. Muqtaj jandarǵa qol ushyn sozý, kimge bolsyn qushaǵyn jaıyp, qonaqjaılyq kórsetý – qazaqtyń qanynda bar qasıet.
Naýryzdy merekeleý kezinde bul qasıetterdi barynsha keńinen nasıhattaý, onyń qadirin arttyrý asa mańyzdy. Óıtkeni kóshpendiler mádenıetinde ózara kómek, janashyrlyq pen qamqorlyq kez kelgen qıyndyqty jeńip, maqsat-muratqa jetýdiń tetigi bolǵan.
«Almaty qalasynyń kórikti, taza, turǵyndardyń ómir súrýine qolaıly bolýyna óz úlesin qosyp júrgen adamdarǵa alǵysymyz sheksiz. Bul eńbekkerler tań atysymen jumysqa kirisip, kún batqanǵa deıin óz jumystaryn adal atqarady. Aınalysyp júrgen isteri óte jaýapty, aýyr. Soǵan qaramastan aýla sypyrýshylar qoǵamymyzǵa ıgilikti isimen paıda keltirip, Almaty qalasynyń kórkeıýine óz úlesterin qosyp júr. Búgin №167 jalpy bilim beretin mektep ujymy "Qaıyrymdylyq jasaý" kúnine oraı «Almaty tazalyq» komýnaldyq memlekettik kásiporny jumysshylaryna tabysty eńbek, baqyt, densaılyq tileı otyryp, ystyq tamaqpen qamtamasyz etýdi sheshti. Ár adam bizdiń ómirimizdi ásemdendirip júrgen jandarǵa qamqorlyqpen, qurmetpen qarasa, osyndaı ıgilikti sharalar atqaryp otyrsa, ómirimiz mándi, qalamyz kórkem bola túseri anyq. Shildeniń ystyǵyna, qańtar men aqpannyń aq qar, kók muz aıazyna qaramastan óz eńbegimen bizdiń ómirimizdi jeńildetip, qalamyzdyń taza bolýyn qamtamasyz etip júrgen jandarǵa alǵysymyz sheksiz»,- deıdi №167 jalpy bilim beretin mektep dırektory Ǵalıa Nálibaeva.