Almaty qalasynyń Óńirlik komýnıkasıalar qyzmetiniń alańynda «Ulttyq tutynýshylar lıgasy» Respýblıkalyq qoǵamdyq birlestiginiń prezıdenti Svetlana Romanovskaıanyń qatysýymen brıfıń ótti.
2022 jáne 2023 jyldar aralyǵynda birlestikke keńes alý úshin 4000-nan astam azamattyń júgingendigi belgili boldy, dep habarlaıdy Almaty-akshamy.kz.
Kóp jaǵdaıda azamattar saýda, densaýlyq saqtaý, tamaqtaný, turǵyn úı-kommýnaldyq sharýashylyq, baılanys salalaryndaǵy qyzmetterdiń sapasyna qanaǵattanbaıdy.
«Tutynýshylar lıgasynyń negizgi maqsaty – sanaly tańdaý jasaıtyn adamnyń belsendi azamattyq ustanymyn qalyptastyrý», - dep atap ótti S.Romanovskaıa.
Ol azamattardyń shaǵymdanýynyń negizgi sebepteri retinde sapasyz taýarlardyń satylýy, taýarlardaǵy baǵa belgileriniń bolmaýy jáne durys emestigi, ınternet-dúkenderden aqshany ýaqtyly qaıtarylmaýy ekenin atap ótti.
Tutynýshylardyń shaǵymdary kelesi salalarǵa baǵyttalǵan:
* sapasyz taýarlardy / tehnıkany satý - 32,6%;
* belgilengen merzimde qyzmet kórsetý/jumystardy oryndaý shartyn oryndamaý-12,2%;
* Abonenttik baılanys qyzmetterine-7,3%;
* bilim berý kýrstaryna-7,3%;
* áýe qyzmetterine-2%;
* tutynýshylyq daýlardy qaraýdyń sotqa deıingi tártibin buzý-4%;
* satýshynyń aıyrbastaý/qaıtarý mindetin oryndamaýy-15,5%;
* elektrondyq saýda salasyndaǵy buzýshylyqtar-14,7%.
Svetlana Romanovskaıa halyqtyń ómir súrý sapasyn jaqsartatyn qoldanystaǵy ulttyq standarttardy jetildirý boıynsha jumys júrgizý qajettigin atap ótti.