Qalada koronavırýs juqtyryp, em qabyldap jatqan naýqastyń jalpy sany 1 131-ge jetipti.
Osy málimetti taratqan qalalyq qoǵamdyq densaýlyq saqtaý basqarmasynyń aqparatyna súıene otyryp, bir táýlikte qalada 299 adam koronavırýs juqtyrǵan, dep habarlaıdy Almaty-akshamy.kz
Basqarmanyń aqparaty boıynsha, bir táýlikte koronavırýs juqtyrǵan 299 adamnyń ishinde sımptomdy, jeńil jáne ortasha deńgeıdegi belgilermen – 259, sımptomsyz – 40 naýqas tirkelgen. Barlyq emdelip shyqqandar – 44, kelip túskeni – 119. Infeksıalyq stasıonarlarda 1 131 adam bar (tósek-orynnyń jalpy sany –3 700), onyń ishinde 80 bala emdelýde.
«Sondaı-aq, reanımasıa jáne qarqyndy terapıa bóliminde 102 adam jatyr. Al 19 naýqas jasandy tynys alý apparatyna qosylǵan. Invazıvti emes jasandy tynys alý apparatynda 34 adam em qabyldaýdy jalǵastyrýda. High flow-da 22 apparat jumys isteıdi. Medısınalyq-sanıtarlyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 2306 pasıent bar. Onyń ishinde vırýs belgileri bar, ortasha aýyr jaǵdaıda 2015 naýqas, 291 adamda koronavırýs belgileri joq», -dep málim etti basqarmanyń baspasóz qyzmeti.