Nysandardyń jumystaryna barynsha qatań shekteýler qoıý josparlanýda
Almaty qalasy ákiminiń orynbasary Erjan Babaqumarovtyń tóraǵalyǵymen ótken koronavırýs ınfeksıasynyń taralýynyń aldyn alý jónindegi qalalyq shtabtyń otyrysynda megapolıste qosymsha shekteý sharalaryn engizý týraly másele qaraldy, dep habarlaıdy Almaty-akshamy.kz.
Aýmaqtyq sanıtarlyq-epıdemıologıalyq baqylaý departamentiniń basshysy, Almaty qalasynyń bas memlekettik sanıtarlyq dárigeri Jandarbek Bekshın shildeniń 3 aptasynda koronavırýstyq ınfeksıanyń 12 myńnan astam jaǵdaıy tirkelgenin aıtty, bul maýsym aıynyń osy kezeńindegi kórsetkishterden 4 ese joǵary. Demek, qoǵamda COVID-19-dyń taralý qarqyny joǵary, sondyqtan qatań shekteý sharalary engizilýi tıis.
Búginde ınfeksıa juqtyratyn negizgi oryndar: bazarlar, qoǵamdyq kólikter, meıramhanalar, kafeler, barlar, adamdar kóp jınalatyn saıabaqtar men jaıaý júrginshiler kósheleri. Epıdemıologtardyń aıtýynsha, bazarlarda dert juqtyrý 10%-dan 15,9%-ǵa deıin, saýda nysandarynda 31%-dan 39,7%-ǵa deıin, demalys saıabaqtarynda jáne jaıaý júrginshiler kóshelerinde - 1,2%-dan 5%-ǵa deıin ósken. Sondyqtan Vedomstvoaralyq komısıanyń usynysy boıynsha koronavırýs ınfeksıasynyń taralýyn boldyrmaý úshin shekteý sharalaryn kúsheıtý josparlanýda. Atap aıtqanda, nysandardyń jumystaryna barynsha qatań shekteýler qoıý josparlanýda. Qalanyń bas memlekettik sanıtarlyq dárigeriniń qaýlysyna jaqyn arada tıisti tolyqtyrýlar men ózgerister engiziledi ári jarıalanatyn bolady.
Sonymen qatar, karantındik sharalardyń saqtalýyn baqylaý jónindegi monıtorıńtik toptardyń jumysy týraly másele qaraldy. Búginde Almatyda 40 monıtorıń toby jumys isteıdi. Shilde aıynyń basynan bastap 278 kóshpeli is-sharalar ótkizildi, 2733 obekti qamtyldy, 245 buzýshylyq anyqtaldy. Zańdy jáne jeke tulǵalarǵa 173 hattama jasaldy. Ákimniń orynbasary Erjan Babaqumarov Ashyq-ta jumys isteıtin nysandar arasynda tártip buzýshylardy anyqtaý jumystaryn kúsheıtýdi jáne qoǵamdyq oryndarǵa «qyzyl mártebemen» barǵandardy jaýapkershilikke tartýdy tapsyrdy. Budan ózge, mobıldi monıtorıńtik toptardyń jumysyn InfoKazakhstan elektrondy platformasyna tirkeý arqyly jańa jumys formatyna kóshirý týraly tapsyrmalar berildi.
Eske salsaq, mobıldi toptar talaptardy buzýshylarǵa monıtorıń júrgizedi: nysannyń qyzmetin (jumys rejımi) shekteıdi; otbasylyq, mereıtoılyq is-sharalardy (banketter, úılený toılary, mereıtoılar, mereıtoılar) jáne kóptegen adamdar jınalatyn basqa da is-sharalardy ótkizýge tyıym salady; áleýmettik qashyqtyqty, betperde rejımin, kelýshiler sanynyń shekten aspaýyn talap etedi.
Aıta keterligi, qoldanystaǵy shekteýlerdi kúsheıtý ınfeksıanyń jappaı taraýynyń aldyn alýǵa baǵyttalǵan, bul densaýlyq saqtaý júıesine resýrstardy tıimdi bólýge jáne sapaly medısınalyq qyzmet kórsetýge, tósek oryndar men medısına personalynyń tapshylyǵyn boldyrmaýǵa múmkindik beredi.
Infeksıa otbasylyq baılanystarda 17,7%-dan 19,4%-ǵa deıin ósken. Sondyqtan qalalyqtarǵa koronavırýs ınfeksıasyna qarsy vaksına alý qajet, bul turǵyndardyń densaýlyǵyn qorǵaıdy jáne jaqyn adamdardy dertten saqtaıdy.
«Qalada epıdemıologıalyq ahýal kúrt ýshyqty. COVID-19-dyń "delta" nusqasyn juqtyrý trendi, "úndi" shtamy óse túsýde. Qalada densaýlyqty saqtaý men epıdemıanyń aldyn alýdyń jalǵyz joly – tek vaksınalaný. Sondaı-aq bárimiz betperde rejımin jáne áleýmettik araqashyqtyqty saqtaýǵa tıispiz», - dep atap ótti Erjan Babaqumarov.
Ol ekpe saldyrý, betperde rejımi men áleýmettik araqashyqtyqty qatań saqtaý epıdemıanyń órshýi kezinde óte mańyzdy ekenin atap ótti.
Qalalyqtardyń densaýlyǵyn qorǵaýdy qamtamasyz etý úshin ujymdyq ımýnıtetti qalyptastyrý jumystary jalǵasýda. Búginde Almatyda 665 myń adam birinshi komponentpen vaksınalandy. Qalada medısınalyq uıymdarda, mektepterde, mádenı jáne sporttyq mekemelerde, bazarlarda jáne qalanyń SOSO 212 vaksına salý pýnktteri jumys jasaýda.