Jyl sońyna deıin 16,7 myń páterdi paıdalanýǵa berý josparlanyp otyr.
Almatynyń josparlaý jáne ýrbanıstıka basqarmasynyń basshysy Almasqan Ahmedjanov Óńirlik komýnıkasıalar qyzmetinde ótken baspasóz konferensıasy barysynda karantın men epıdahýalǵa qaramastan, qalada turǵyn úı salý qarqyny josparlanǵan deńgeıde júrip jatqanyn aıtty. Tipti, olar ótken jylǵy kórsetkishten asyp túsken, dep habarlaıdy Almaty-akshamy.kz.
Almasqan Ahmedjanov atap ótkendeı, ákimdik Memleket basshysy Qasym-Jomart Toqaevtyń osy jyldyń naýryz aıynda adamdardyń jaqsy ómir súrýin qamtamasyz etý jáne barlyǵy úshin birdeı múmkindikter jasaý jóninde bergen tapsyrmasyn oryndaýda.
«Ár adam úshin birinshi jáne basty qajettilik – qashan da baspanaly bolý. Prezıdent alǵa qoıǵan basty mindetterdiń biri – qoljetimdi turǵyn úı salý», – dedi Almasqan Ahmedjanov.
Aıta keterligi, Almaty – elimizde turǵyn úıdi iske qosý sany boıynsha kóshbasshy qalalardyń biri. Almatyda turǵyn úıdi iske qosý qarqyny ótken jyldyń osy kezeńimen salystyrǵanda 104,9%-dy qurady.
Osy jyldyń qańtar-maýsym aılary aralyǵynda qalada 1 003,6 myń sh.m (bul 9 738 páter) iske qosyldy.
Onyń ishinde:
- komersıalyq qurylys – 638,3 myń sh.m nemese 7 371 páter;
- jataqhana aýdany – 10,4 myń sh.m;
– memlekettik búdjet qarajaty esebinen (jaıly qalalyq orta basqarmasy) – 104,3 myń sh.m nemese 1 326 páter.
– jeke turǵyn úıler – 1 067 (bul 250 myń sh.m astam).
Statısıkada kórsetilgendeı, qurylys salasy belgili bir qıyndyqtarǵa qaramastan, megapolıstiń jetekshi ekonomıkalyq oblystarynyń biri bolyp qala beredi. Aıta ketsek, jyl sońyna deıin 16,7 myń páterdi paıdalanýǵa berý josparlanǵan.
Basqarma basshysy jobalaý aldyndaǵy qujattamany berý týraly da aıtty. 2021 jyldyń birinshi jartyjyldyǵynyń qorytyndysy boıynsha 3 296 sáýlet josparlaý tapsyrmasy (SJT) berildi, 4 330 eskızdik joba kelisildi.
«Kóp qabatty jáne jeke úılerdiń kópshiligi aýdandarǵa qosylǵan aýmaqtarda salynatynyn aıtqym keledi, bul «Almaty – shetsiz qala» tujyrymdamasyna sáıkes keledi», – dedi Almasqan Ahmedjanov.
Spıker 2021 jyly Almatyda salynǵan áleýmettik nysandar týraly aıtty.
«Almaty - shetsiz qala» tujyrymdamasyn júzege asyrý aıasynda qalanyń barlyq aýdandarynda áleýmettik nysandar salynýda. Mundaı nysandar, ásirese, qosylǵan aýmaqtary bar aýdandarda qarqyndy salynýda. Qazirgi ýaqytta áleýmettik maqsattaǵy 78 nysannyń qurylysy júrgizilýde», – dedi Almasqan Ahmedjanov.
2021 jyly barlyǵy 55 nysan salynady, onyń 23-i 2022 jylǵa aýysady. Qazirgi ýaqytta toǵyz nysan boıynsha jumystar aıaqtaldy. Olardyń ishinde: Medeý aýdanyndaǵy áleýmettik qyzmetter úıi; Naýryzbaı aýdanyndaǵy eki balabaqsha; Túrksib aýdanyndaǵy «Múmkindigi shekteýli balalardy áleýmettik beıimdeý ortalyǵy» ǵımaratyn seısmıkalyq nyǵaıtý; Bostandyq aýdanyndaǵy №71 bóbekjaı-balabaqshasy, Bostandyq aýdanyndaǵy №81 mektep, Áýezov aýdanyndaǵy eki bóbekjaı men №6 qalalyq emhana seısmıkalyq kúsheıtý jáne kúrdeli jóndeýden ótti.
Almasqan Ahmedjanov Almatynyń barlyq aýdandarynda qala ákimi Baqytjan Saǵyntaevtyń tapsyrmasyna sáıkes áleýmettik nysandardyń «qadamdyq qoljetimdi» qaǵıdatynyń iske asyp jatqanyn habarlady.