Osy arqyly salynyp jatqan jáne salynatyn nysandar týraly barlyq qajetti aqparatqa qol jetkizýge bolady.
Almatyda qurylys salasy sıfrlandyrylady jáne barlyq derekter Interaktıvti bir kartaǵa engiziledi. Bul týraly Óńirlik komýnıkasıalar qyzmetinde ótken baspasóz konferensıasynda qalalyq josparlaý jáne ýrbanıstıka basqarmasynyń basshysy Almasqan Ahmedjanov aıtty, dep habarlaıdy Almaty-akshamy.kz.
Almatynyń bas sáýletshisi geoportal bazasynda qurylys nysandary monıtorıńiniń Interaktıvti kartasy jasalǵanyn aıtty. Bul resýrs salynyp jatqan jáne salynatyn nysandar týraly barlyq qajetti aqparattyń qojetimdi bolýyn qamtamasyz etedi.
«Endi onlaın-rejımde kóp páterli turǵyn úı keshenderi men jeke turǵyn úı qurylysynyń jobalary týraly aqparat alýǵa bolady. Aqparat onlaın rejımde jańarady», - dedi Almasqan Ahmedjanov.
Budan ózge, osy portalda barlyq qajetti aqparat bar: qurylys pasporty, jobanyń ataýy, qurylysty salýshy, kadastrlyq nómir, eskızdik jobanyń kelisimi týraly málimetter, SJT boıynsha berilgen derekter, qurylystyń bastalý merzimi, paıdalanýǵa berý merzimi, avtorlyq/tehnıkalyq qadaǵalaý, qurylys alańy, qabattar, páterler sany.
Karta Almaty qalalyq Josparlaý jáne ýrbanıstıka basqarmasynyń saıtynda http://building.uaig.kz/ jarıalanǵan.