Almatyda ońaltý medısınasynyń alǵashqy qazaqstandyq – koreılik bilim berý-zertteý ortalyǵy ashyldy
Ortalyq QR Densaýlyq saqtaý mınıstrliginiń, Almaty qalasy Qoǵamdyq densaýlyq saqtaý basqarmasynyń, ál - Farabı atyndaǵy QazUÝ, Kenbýk ulttyq ýnıversıtetiniń (KNUH) aýrýhanasynyń jáne Koreıanyń densaýlyq saqtaý ındýstrıasyn damytý agenttiginiń (KHIDI) qoldaýymen №1 Qalalyq klınıkalyq aýrýhanasy bazasynda ashyldy.
Ortalyq bazasynda ońtústik koreıalyq mamandarmen qazaqstandyq reabılıtologtar, kınezoterapevter jáne kásibı terapevter úshin onlaın-oqytýdyń turaqty baǵdarlamalaryn ótkizý josparlanýda. Aıta ketý kerek, "kásiptik terapevt" jáne "kınezoterapevt" mamandyqtary QR Densaýlyq saqtaý mınıstrliginiń normatıvtik bazasyna resmı túrde 2021 jyly ǵana kirdi. Osyǵan baılanysty osy baǵyttaǵy mamandardy daıarlaý qajettiligi týraly másele ózekti bolyp tabylady.
Ortalyqtyń saltanatty ashylýyna QR Densaýlyq saqtaý mınıstrliginiń, Almaty qalasy Qoǵamdyq densaýlyq saqtaý basqarmasynyń, QazUÝ ókilderi jáne Ál-Farabı jáne Ońtústik Koreıanyń beıindi mınıstrligi, Qazaqstannyń túkpir-túkpirinen ońaltý salasyndaǵy mamandar qatysty.
№1 Qalalyq klınıkalyq aýrýhanasynyń senimdi basqarýshy kompanıasy «Smart Health University City» JSHS basqarma tóraǵasynyń orynbasary K. D. Erjanov:
- Osy ortalyqty ashýǵa kóp kúsh jumsaǵan koreılik dostarymyzǵa úlken rahmet. Munyń bári óteýsiz negizde bolady. Bizdiń barlyq tyńdaýshylarymyzǵa zor tabys tileımin jáne sizder alatyn bilim óz qyzmetkerlerińizge, áriptesterińizge halyqty tıimdi emdeý úshin júzege asady dep senim bildiremiz, - dep atap ótti quttyqtaý sózinde.
Almaty qalasy QDB shtattan tys bas reabılıtology , №1 Qalalyq klınıkalyq aýrýhanasynyń ońaltý bólimshesiniń meńgerýshisi Amına Seıdanovanyń aıtýynsha, ortalyq koreıalyq mamandar daıarlaý júıesi mysalynda halyqaralyq standart boıynsha birlesken bilim berý baǵdarlamasyn ázirleýmen aınalysatyn bolady.
"Ońtústik Koreıanyń ońaltý salasyndaǵy jetekshi mamandaryna pasıentter men múgedekterge arnalǵan telemedısına sheńberinde turaqty qashyqtyqtan konsýltasıalar ótkiziletin bolady. Ońaltý salasyndaǵy mamandar úshin júıeli oqytý sheberlik synyptaryn ótkizý, birlesken zertteý jobalaryn júrgizý josparlanýda", - dedi Seıdanova.
Koreıa Respýblıkasy Densaýlyq saqtaý jáne áleýmettik qamsyzdandyrý mınıstrliginiń Halyqaralyq yntymaqtastyq búrosynyń Bas dırektory Iýn Chan-sık myrza óz kezeginde 2022 jyl Koreıa men Qazaqstan úshin mańyzdy jyl ekenin, bıyl eki el arasynda dıplomatıalyq baılanystardyń ornaǵanyna 30 jyl tolatynyn atap ótti.
Onyń aıtýynsha, Koreıanyń densaýlyq saqtaý jáne ál-aýqat mınıstrligi jahandyq densaýlyq saqtaýdy birlesip ósirý men damytýdy maqsat etip otyrǵan Shet eldegi aýrýhanalardy qoldaý jobasyn alǵa jyljytýda.
Bul bilim berý-zertteý ortalyǵy- osy jobanyń nátıjesi bolyp tabylady jáne bilim berýge, zertteýge, emdeýge, adamı resýrstardyń ósýine umtylatyn bolady, eki eldiń aýrýhanalary arasyndaǵy jelini belsendirýge jáne densaýlyq saqtaý salasyndaǵy yntymaqtastyqqa kópir bolady. Sondaı - aq, ońaltý medısınasy ortalyǵynyń ashylýy aıasynda №1 Qalalyq klınıkalyq aýrýhanasynyń bazasynda Ońtústik Koreıanyń ońaltý medısınasy salasyndaǵy jetekshi mamandardyń qatysýymen alǵashqy praktıkalyq master-klass ótkizildi.
Ońtústik koreıalyq áriptester jergilikti reabılıtologtar men Emdik dene shynyqtyrý nusqaýshylaryna balalar men eresekterdi ońaltý salasynda kınezoterapıa men kásiptik terapıanyń tıimdi ádisterine oqytý júrgizdi.