Almaty qalasynda kópqabatty úıdiń jertólesinde jasyryn kazıno jumys istegen.
Oıynshylar mekemege qupıa sóz arqyly kirgen, dep habarlaıdy Almaty-akshamy.kz QazAqparatqa silteme jasap.
«13 qarashaǵa qaraǵan túni İshki ister mınıstrligi Uıymdasqan qylmysqa qarsy kúres departamentiniń bólimsheleri Almaty qalasyndaǵy ǵımarattardyń birinde (Sátbaev kóshesiniń boıynda) jasyryn kazıno uıymdastyrǵan qylmystyq topty ustaý boıynsha arnaıy is-shara ótkizdi.
Tyıym salynǵan oıyn mekemesi qalanyń Bostandyq aýdanyndaǵy kópqabatty úıdiń jertólesinde ornalasqan. Adamdar qupıa sóz arqyly kirgizilip otyrǵan.
Arnaıy is-shara kezinde kazınoda 20-dan astam kelýshi boldy», - delingen polısıa habarlamasynda.
Arnaıy operasıa kezinde 20-dan astam oıyn jabdyǵy, iri kólemdegi aqsha, kelýshilerdiń aty-jóni jazylǵan tizim, aqshanyń kiris-shyǵys jazbalary bar qujattama tárkilendi.
«Qylmystyq áreketten túsken kiristiń shamamen somasy kúnine 5 mıllıon teńgeden asyp otyrǵan. Atalǵan derek boıynsha QR Qylmystyq kodeksiniń 307-baby 1-bóligimen (Zańsyz oıyn bıznesin uıymdastyrý) qylmystyq is tirkeldi. Qazirgi ýaqytta kazıno ıesin anyqtap, jaýapkershilikke tartý boıynsha jedel sharalar júrgizilip jatyr», - delingen polısıa málimetinde.