Ol úshin Saıran sý qoımasynyń túbin mehanıkalyq tazalaýǵa jobalaý-smetalyq qujattama ázirlendi.
Bul týraly Almaty ákimi Erbolat Dosaev Áýezov aýdany turǵyndarymen ótken kezdesýde aıtty, dep habarlaıdy Almaty-akshamy.kz.
Halyqpen ótken kezdesýde shahar basshysy perspektıvalyq jobalarǵa da toqtaldy.
« Alǵashqy kezdesýimizde turǵyndar maǵan Altynsarın dańǵylyn rekonstrýksıalaý týraly usynys jasaǵan edi. Búgingi kúni aýdannyń 6 magıstraldy kóshesi, onyń ishinde Altynsarın dańǵylynda jaıaý júrginshiler keńistigin qaıta qurý úshin jobalaý-smetalyq qujattama ázirlenýde», - dedi qala ákimi E.Dosaev.
Olar kelesi kósheler boıynsha júzege asyrylmaq:
- Abaı dańǵyly, Almaty ózeninen Momyshuly kóshesine deıin;
- Altynsarın dańǵyly, Jandosov kóshesinen Qabdolov kóshesine deıin;
- Tóle bı kóshesi, Saıran kólinen Iassaýı kóshesine deıin;
- Jandosov kóshesi, Almaty ózeninen Saın kóshesine deıin;
- Momyshuly kóshesi, Shalápın kóshesinen Tóle bı kóshesine deıin;
- Saın kóshesi, Abaı dańǵylynan Tóle bı kóshesine deıin.
Memlekettik saraptamadan ótkennen keıin, 2023 jyldyń sońynda qurylys-montajdaý jumystary bastalmaq.
Sonymen qatar, tamyz aıynyń sońynda 2 qoǵamdyq keńistikti abattandyrý úshin jobalaý-smetalyq qujattamanyń konkýrstyq is-sharalary aıaqtalady. Atap aıtqanda, "Mamyr-1" shaǵynaýdanyndaǵy jaıaý júrginshiler aımaǵy jáne "Aqsaı-4" shaǵynaýdanyndaǵy skver abattandyrylmaq.
"Taýgúl" shaǵynaýdanynda qoǵamdyq keńistiktiń joq ekenin eskere otyryp, 2023 jyly kólik qozǵalysyn shekteý arqyly Shalov býlvaryn zamanaýı jaıaý júrginshiler aımaǵyna aınaldyrýdy bastaımyz. Jyl sońyna deıin memlekettik saraptamadan ótip, jobalaý-smetalyq qujattamasy aıaqtalady", - dedi qala ákimi E.Dosaev.
Qala ákimi Saıran kóliniń turǵyndardyń súıikti demalys oryndarynyń biri bolyp qala beretinin aıtty.
«Saıran sý qoımasynyń túbin mehanıkalyq tazalaýǵa jobalaý-smetalyq qujattama ázirlendi, tazalaý jumystaryn jyl sońynda bastaýdy josparlap otyrmyz. Sondaı-aq, Saıran kólin qaıta qurýǵa jáne oǵan irgeles aýmaqty abattandyrýǵa jobalaý-smetalyq qujattama ázirlenýde. Ol aıaqtalǵannan keıin 2023 jyldyń 2-toqsanynda jóndeý jumystaryna kirisemiz», - dedi qala basshysy.