Almaty ákiminiń orynbasary Beıbit Shahanovtyń aıtýynsha, qalanyń komýnaldyq qyzmeti kóshelerdi, joldar men trotýarlardy jedel qardan tazalaýǵa kiristi.
Qar kúreý jumystary táýlik boıy júrgiziledi, dep habarlaıdy aqshamnews.kz.
«Búgin saǵat 9:00-de qalada jáne taýly aýdandarda qar jaýa bastady. Eki kún boıy qar jaýyp, 20 mm qar túsedi dep boljanyp otyr. Bul edáýir mólsher, sondyqtan bul aýqymdy jumys. Tańerteńnen bastap komýnaldyq qyzmet kóshelege kóktaıǵaqqa qarsy arnaıy qospalar seýip, qozǵalys qaýipsizdigin qamtamasyz etti. Negizgi jumys qar kúrelgen soń bastalady. Biz magıstraldy jáne ortalyq kóshelerde qar úıindi jasalǵan soń qardy shyǵarýǵa kirisemiz, – dedi Almaty ákiminiń orynbasary.
Tazalaý tehnologıasy jáne boljamdar
Qazgıdromettiń málimetinshe, 23-24 qańtarda Almatyda aýa temperatýrasy -15…-20 gradýsqa deıin tómendeıdi. Qazirgi ýaqytta joldar kóktaıǵaqqa qarsy materıaldar sebilip jatyr. 152 qumsepkish tehnıka jumyldyrylǵan. 950 tonna kóktaıǵaqqa qarsy materıaldar jáne 60 m³ suıyq reagentter paıdalanylǵan. Qaýipti jol ýchaskelerinde joldyń jaǵdaıyn baqylap otyratyn 46 jedel top jumys isteýde.
Magıstraldy kóshelerdi qardan tolyq tazalaý 3 kúnge, aýdandyq mańyzy bar kóshelerdi tazalaý 7 kúnge sozylady.
«Qazirgi ýaqytta joldarda 600-den astam arnaıy tehnıka jumys istep jatyr, kúndizgi ýaqytta shamamen 1,5 myń adam jumyldyryldy. Jumys túnde de jalǵasady, qar tolyq shyǵarylǵanǵa deıin toqtatylmaıdy. Tazalyqty baqylaý úshin aýdan ákimdikterinde táýlik boıy kezekshilik uıymdastyryldy», – dedi Beıbit Shahanov.
«Qardyń jaýýy qala turǵyndaryna ýaqytsha qolaısyzdyq týdyratynyn túsinemiz. Komýnaldyq qyzmettiń jumysyna túsinistikpen qarap, kómektesýdi suraımyz: arnaıy tehnıkanyń jumysyn qıyndatpaý úshin kólikterdi jol jıekterine qoımaýlaryńyzdy ótinemiz», – dedi ákimniń orynbasary.
Máselelerdi jedel sheshý úshin turǵyndar Telegram-bottarǵa kelesi siltemeler arqyly aýdan ákimdikterine júgine alady:
1. Áýezov aýdany - https://t.me/akimatAuezov1
2. Alataý aýdany - https://t.me/akimat_alatau
3. Almaly aýdany - https://t.me/almalyaudany/1
4. Bostandyq aýdany - https://t.me/bostandykaudanyy/1717
5. Jetisý aýdany - https://t.me/obzhetysu
6. Medeý aýdany - https://t.me/medeu_audany
7. Naýryzbaı aýdany - https://t.me/+jD3nmPVIVrw1YWQ6
8. Túrksib aýdany - https://t.me/turksib_audany
23 qańtarǵa arnalǵan boljam: keıde qar jaýady, túnde temperatýra -13…-15°C, kúndiz -7…-9°C.
24 qańtarǵa arnalǵan boljam: kóshpeli bult shyǵady, jaýyn-shashynsyz. Túnde -18…-20°C, kúndiz -10…-12°C.