Májilis depýtaty Edil Jańbyrshın elimizde LGBT nasıhatyna tyıym salý sharalaryn qolǵa alý kerektigin aıtty.
Májilismen bir top depýtat atynan Premer-mınıstr Oljas Bektenovke, Ulttyq qaýipsizdik komıtetiniń tóraǵasy Ermek Saǵymbaevqa depýtattyq saýal joldady. Onda AQSH-tyń ózi tabıǵı jaratylysqa qarsy jynoınaq toptarǵa tyıym salyp jatqanda, Qazaqstan da bul máseleni qaıta qaraýy kerektigi aıtylǵan. Ol AQSH prezıdenti Donald Tramptyń sózderin de eske saldy.
"Barlyq qyztekege «Dádá Donaldtan» jalyndy sálem. Biz LGBT-ny nasıhattaýǵa tyıym salýdy kózdeıtin arnaıy zań normalaryn da ázirledik. Alaıda osy áreketterimizge keıbir sheneýnikter Batys elderi ókilderiniń «demokratıany shektep jatyrsyńdar», «adam quqyǵyn taptap jatyrsyńdar» degen ustanymdaryn jeleý qylyp, qarsylyq bildirdi.
Tipti, LGBT ókilderi jáne olardyń sybaılastary depýtat áriptesterime jáne olardyń otbasylaryna áleýmettik jelide, buqaralyq aqparat quraldarynda jappaı aqparattyq shabýyldar uıymdastyrdy", - deıdi ol.
Depýtat LGBT nasıhatyna qarsy petısıaǵa nebári 2 aptada 50 myń adam qol qoıǵanyn alǵa tartyp, munyń ulttyq bolmysymyzǵa jat, LGBT aǵymyna halyqtyń ashyq qarsy ekendigin kórsetti dep otyr.
"Parlament birinshi kezekte halyqtyń múddesin eskerip, ony naqty zańnamamen iske asyrýy tıis. Olaı bolsa, Úkimet tez arada kelesi sharalardy qolǵa alýy qajet", - dedi ol.