Bostandyq aýdandyq polısıa basqarmasynyń qyzmetkerleri jedel-izdestirý is-sharalarynyń nátıjesinde Hyundai avtokóligin urlap ketti degen kúdikpen eki er adamdy ustady, dep habarlaıdy aqshamnews.kz Polisia.kz-ke silteme jasap.
Qylmys turǵyn úı aýlasyndaǵy avtoturaqta jasalǵan. Kólikti urlaǵannan keıin qaskóıler birden kólikke jalǵan memlekettik tirkeý nómirlerin ornatyp, ony Almaty oblysyna alyp ketip, jeke úılerdiń birinde jasyrǵan. Aldyn ala málimet boıynsha, kúdiktiler yńǵaıly sátti kútip, kólikti satýdy josparlaǵan. Polısıa qyzmetkerleriniń úılesimdi jáne kásibı jumysynyń arqasynda kúdiktiler qysqa merzimde anyqtalyp, ustaldy. Olardyń bireýi buryn sotty bolǵan. Qazirgi ýaqytta ustalǵandarǵa qatysty qylmystyq is qozǵalyp, olar ýaqytsha ustaý ızolátoryna qamaldy.
- Avtokólik urylarynyń qolǵa túsýi – kásibı mamandar iske kiriskende ýaqyt máselesi ǵana. Bul iste jedel aqparat jınalyp, taldandy, naqty mekenjaılar boıynsha tekserýler júrgizildi. Qylmys ashyldy, kólik tárkilenip, ıesine qaıtaryldy. Biz azamattardyń jeke múlkine qarsy kez kelgen qylmystyq áreketti qatań túrde toqtatýdy jalǵastyramyz, – dedi, Bostandyq aýdandyq polısıa basqarmasynyń bastyǵy Dıdar Axanov.
Sonymen qatar polısıa kólik ıelerine qosymsha qaýipsizdik sharalaryn saqtaý qajettigin eskertedi: kiltterdi kólikte qaldyrmaý, urlyqqa qarsy quraldardy paıdalaný jáne múmkindiginshe kólikterdi kúzetiletin turaqtarǵa qoıý.