Astana Mining & Metallurgy 15-shi halyqaralyq taý-ken metalýrgıa kongresi aıasynda QR Ónerkásip jáne qurylys mınıstrligine qarasty Geologıa komıteti ERG kompanıasy sıfrlyq formatqa kóshirgen tarıhı geologıalyq esepterdiń elektrondyq katalogyn merzimsiz paıdalanýǵa qabyldady.
Atalǵan elektrondyq katalog 1934 jyldan bastalatyn Qostanaı jáne Aqtóbe oblystaryn qamtıtyn 898 esepten turady. Bul esepter sıfrlandyrylyp, yńǵaıly izdeý júıesimen jáne geografıalyq baılanyspen tolyqtyrylǵan, bul olardyń taldaýyn jáne praktıkalyq qoldanylýyn aıtarlyqtaı jeńildetedi. Katalog quramynda vektorlyq geologıalyq kartalar bar, bul málimetterdi zamanaýı geoaqparattyq júıelerde paıdalanýǵa múmkindik beredi, dep habarlaıdy aqshamnews.kz.
«Atalǵan arhıvti tapsyrý — ERG kompanıasynyń eldegi salany sıfrlandyrýǵa qosqan úlesi. Endi geologıalyq málimetter memleketke, ǵylymǵa jáne barlyq múddeli taraptarǵa qoljetimdi. Bul jobany tabysty áriptestiktiń úlgisi dep baǵalaımyz jáne bolashaqta da yntymaqtastyqqa ashyqpyz», – dedi QR ÓQM Geologıa komıtetiniń tóraǵasy Erlan Aqbarov.
Katalog geologıalyq barlaý jumystarynyń sapasyn arttyrý, jer qoınaýyn paıdalaný salasynda negizdelgen sheshimder qabyldaý, bilim berý men ǵylymı bastamalardy qoldaý, sondaı-aq Qazaqstannyń ınvestısıalyq tartymdylyǵyn arttyrý maqsatynda qoldanylady.