Bul suraqqa Óńirlik komýnıkasıalar qyzmetiniń brıfıńi barysynda Almaty qalasynyń Energetıka jáne sýmen qamtý basqarmasynyń bólim basshysy Nurbaqyt Serikbaı jaýap berdi.
Almatyda tabıǵı monopolıalar sýbektileriniń negizgi qorlary men jelileriniń aıtarlyqtaı tozǵany baıqalady. Sýmen jabdyqtaý jáne sý burý salalarynda 50%-dan astam, jylý jáne elektr energıasymen jabdyqtaý salalarynda 60%-dan astam, dep habarlaıdy Almaty-akshamy.kz.
Apattar tirkelgen joq, degenmen jabdyqtyń tozýy saldarynan 2015 jyldan bastap jylý energetıkasy salasynda qondyrǵylardyń isten shyǵýy (I jáne II dárejeli aqaýlar) baıqalady. 2017 jyldan beri isten shyǵýlar sany men olardyń uzaqtyǵy qysqaryp kele jatqanyna qaramastan, atalǵan faktiler tirkelýde.
Sonymen birge, sońǵy jyldary Almatyda komýnaldyq qyzmetterge tarıfter ózgergeni belgili boldy. Bul týraly Qazaqstan Respýblıkasy Ulttyq ekonomıka mınıstrligi Tabıǵı monopolıalardy retteý komıtetiniń Almaty qalasy boıynsha departamentiniń basshysy Ásel Býdeneeva aıtty.
Qoldanystaǵy zańnamaǵa sáıkes bazalyq sýbektiler úshin tarıfter 5 jylǵa bekitiledi
Jylý-energetıka jáne elektroenergetıka salalarynda jyl saıynǵy josparly ózgerister bekitilgen tarıfterdi basqarmanyń tapsyrystary boıynsha 3-4% sheginde, óıtkeni 5 jylǵa arnalǵan tarıfter Qazaqstan Respýblıkasy áleýmettik-ekonomıkalyq damý kórsetkishterin eskere otyryp bekitiledi. 2022 jyly Memleket basshysynyń moratorıı engizý týraly jarlyǵynjúzege asyrý jáne turǵyndar úshin 180 kúnge deıin komýnaldyq qyzmetterge tarıfter men baǵalardyń kóterilmeýin qamtamasyz etý maqsatynda jarlyǵyn iske asyrý jáne rettelip kórsetiletin komýnaldyq qyzmetterge tarıfter men baǵalardyń 180 kún boıy kóterilmeýin qamtamasyz etý maqsatynda departament jylýmen jabdyqtaý jáne ystyq sýmen jabdyqtaý tarıfterin 2021 jylǵy deńgeıinde bekitti.
Sýmen jabdyqtaý jáne sý burý salalarynda 2019 jyldan bastap tarıfter kóterilgen joq, óıtkeni «Almaty sý» SHJQ MKK departament bekitken 2020-2024 jyldarǵa arnalǵan ortasha tarıf boıynsha jumys isteıdi.