Almatyda kólik kóp joldardyń birinde jaıaý júrginshini qaǵyp, ókinishke qaraı, er adam kóz jumdy, dep habarlaıdy inbusiness.kz saıty.
Polısıa departamentiniń málimetinshe, oqıǵa búgin, 4 qyrkúıekte, saǵat 01:15-te Naýryzbaı aýdanynda bolǵan.
"Subaru markaly avtokóliktiń júrgizýshisi Tashkent traktisi boıymen shyǵys baǵytta kele jatyp, 1986 jyly týǵan er adamdy qaǵyp ketken. Ol joldy belgilenbegen jerden kesip ótken", – dedi polısıada.
Alǵan jaraqattardyń saldarynan jaıaý júrginshi oqıǵa ornynda qaıtys bolǵan.
Qaıǵyly jol-kólik oqıǵasy boıynsha Almaty qalalyq Polısıa departamentiniń Anyqtaý basqarmasy qylmystyq is qozǵap, tıisti saraptamalar taǵaıyndaldy.