Respýblıkalyq "Qaýipti júrgizýshi" jedel-profılaktıkalyq is-sharasy barysynda Almaty qalasynyń patrúldik polısıa qyzmetkerleri sot sheshimimen kólik quralyn basqarý quqyǵynan aıyrylǵan tulǵanyń qaıtadan rólge otyrǵanyn anyqtady, - dep habarlaıdy Aqshamnews.kz.
Sol kezde quqyq buzýshy kólik basqarýdan shettetilip, oǵan Qazaqstan Respýblıkasynyń zańnamasyna sáıkes ákimshilik yqpal etý sharalary qoldanyldy. Sot sheshimimen ákimshilik jaza retinde qamaýǵa alý taǵaıyndalǵan.
- Zań men tártip qaǵıdaty – bizdiń qyzmetimizdiń basty negizi. Júrgizýshi kýáliginen aıyrylǵan tulǵalardyń kólik basqarýy aınaladaǵy azamattardyń qaýipsizdigine tikeleı qater tóndiredi. Mundaı zań buzýshylyqtarǵa qatań ári prınsıpti túrde, eshqandaı ereksheliksiz tosqaýyl qoıylady, – dep túıindedi Almaty qalasy polısıa departamenti ákimshilik polısıa basqarmasynyń bastyǵy Serik Shýmaev.
Sondaı-aq Shýmaev ol jedel-profılaktıkalyq is-sharanyń maqsaty - tek óreskel quqyq buzýshylyqtardy anyqtaý ǵana emes, jol-kólik oqıǵalarynyń aldyn alý ekenin atap ótti.