Almaty polıtsıyasy esírtkí qylmysyna qarsy kúrestí kúsheıttí.
Jyl basynan berí qalada shamamen 600 esírtkí qylmysy anyqtaldy, onyń 260-tan astamy tyıym salynǵan zatty satuǵa qatysty, - dep habarlaıdy Aqshamnews.kz.
Polisia.kz málímetíne saı, 440-tan astam adam, sonyń íshínde 28 sheteldík azamat qylmystyq jauapkershílíkke tartyldy.
- Bíz esírtkí qylmysynyń barlyq túrín tírkep otyramyz. Sonyń íshínde jasyryn qoımalar men elektrondy tólemder arqyly júzege asatyn baılanyssyz taratu tásílderí de bar. Eseptík kezeńde 91 esírtkíní jasyryn qoıyp ketushí ūstaldy. Sonymen qatar sıntetıkalyq esírtkí daıyndaıtyn ekí zerthana joıylyp, olardan qomaqty somaǵa baǵalanatyn jabdyqtar men prekursorlar tárkílendí, – dedí Almaty qalasy PD esírtkí qylmysyna qarsy ís-qımyl basqarmasynyń bastyǵy Mūrat Jūmabaev.
Qarjy ūıymdarymen bírlesken jūmystyń nátıjesínde 1,5 myńnan astam bank kartasy jáne 1 myńnan asa krıptámıyan būǵattaldy. Zańsyz aınalymmen baılanysty qarjy operatsıyalary toqtatylyp, jalpy kólemí 68 mıllıon teńgeden asatyn qarajattyń joly kesíldí. Polıtsıya esírtkíge qarsy profılaktıkaǵa da basa nazar audaryp otyr. Jyl basynan berí oqu oryndarynda 950-ge juyq profılaktıkalyq ís-shara ótkízílíp, dáríster, shyǵarmashylyq konkurstar, túsíndíru fleshmobtary ūıymdastyryldy. Aqparattyq platformalarda, būqaralyq aqparat qūraldarynda jáne qaladaǵy LED-ekrandarda 1 400-den astam nashaqorlyqqa qarsy materıal, onyń íshínde "Narkostop" jobasynyń beınerolıkterí taratyldy.
- Bízdíń jūmysymyz úsh negízgí baǵytqa negízdeledí: qylmystyq árekettí anyqtau jáne jolyn kesu, qarjylyq arnalardy būǵattau, sondaı-aq halyqty aqparattandyru jáne aldyn alu sharalary. Almaty qalasynyń esírtkí ahualyn tūraqtandyru, tūrǵyndardyń densaulyǵy men bolashaǵyn qorǵau úshín barlyq kúsh-jígerímízdí jūmyldyramyz, – dep atap óttí Mūrat Jūmabaev.