21 sáýirde Ulttyq kitaphanada Dúnıejúzilik kitap jáne avtorlyq quqyq kúnine arnalǵan jyl saıynǵy «KİTAP shoý-2023» festıvali, túrki memleketteriniń uıymy jarıalaǵan «2023 jyl - Túrki órkenıetiniń damý jyly» aıasynda ótkiziledi, dep habarlaıdy Almaty-akshamy.kz.
⠀
Festıváldiń maqsaty – «Oqıtyn ult» jobasy sheńberinde halyqtyń kitap oqý belsendiligin arttyrý, kitap pen oqýǵa degen qyzyǵýshylyǵyn qoldaý, balalar men jasóspirimderdiń oqý saýattylyǵyn kóterý jáne kitap oqý mádenıetin damytý, sondaı-aq, túrki halyqtarynyń tarıhı jáne ádebı murasyn nasıhattaý.
Baǵdarlamada mynandaı sharalar qamtylǵan:
- Qazaqstannyń halyq jazýshysy, Memlekettik syılyqtyń laýreaty Muzafar Álimbaevtyń 100 jyldyǵyna arnalǵan «Qazaq balalar ádebıetiniń ótkeni men búgini» atty respýblıkalyq ǵylymı-teorıalyq konferensıa;
- Qyrǵyzstannyń halyq jazýshysy, memleket jáne qoǵam qaıratkeri Sh.Aıtmatovtyń 95 jyldyǵyna arnalǵan «Shyńǵys Aıtmatovty oqımyz» atty halyqaralyq dóńgelek ústel;
⠀
- «ABAI» ádebı-tanymdyq, anımasıalyq ensıklopedıasynyń tusaýkeseri jáne kitap avtorlary R.Zaıkenova, Q.Qaraevamen kezdesý;
⠀
- Tanymal fransýz fotografy Jan-Mark Godestiń «Jandy kitaptar» fotokórmesi jáne sheberlik saǵaty;
⠀
- Tanymal polák jazýshylary Petr Voısehovskıı men Iasek Denelmen onlaın-kezdesý;
⠀
- «Órkenıet qaısysy: kitap nemese aıfon» pikir-talas alańy;
⠀
- QR Ulttyq kitaphanasy qorynan «Túrki áleminiń birligi» atty kúıtabaqtar, kitaptar jáne merzimdi basylymdar kórmesi;
⠀
- Qazaqstandyq baspalardyń kitap ónimderiniń saýda-jármeńkesi;
- «Oqy jáne ózgege usyn» býkkrosıng;
⠀
- Ulttyq shyǵarmashylyq qolónershiler jármeńkesi.