Din qyzmetkerleri oqýshynyń jasaǵan isi balalar turmaq, eresekterge de úlgi ekenin aıtty
Almatyda meshit tazalaýmen aınalysqan oqýshyǵa ımam velosıped tartý etti, dep habarlaıdy Almaty-akshamy.kz Azattyq Ruhy-na silteme jasap.
Oqýshynyń anasy Alataý aýdanyna qarasty Darhan meshitiniń tazalyǵyna jaýapty bolǵan. Muratbek esimdi oqýshy jamaǵattyń taza jerde namaz oqýyn óz moınyna alǵan.
«Muratbektiń anasy meshit tazalaıdy. Meshitimiz taza bop turatyn bolsa, sonyń ishinde Muratbektiń 50 paıyz úlesi bar. Taraýyqqa shyǵyp bara jatqanda únemi bir jaǵdaı qaıtalanatynyn kóremin. Basqa balalardyń shashyp júrgen nársesin bul jınap júredi. Ol da bala ǵoı. Anasynyń shańsorǵyshyna sý quıyp alyp, astyna qaraı túsip kele jatady. Astyńǵy qabatty tazalaý úshin biz namaz oqyp bolǵannan keıin keledi», - dedi ıslamtanýshy Aıdos Sharapatbekuly.
Din qyzmetkerleri Muratbek esimdi oqýshynyń jasaǵan isi balalar turmaq, eresekterge de úlgi ekenin aıtty.
«Bizdiń isteı almaı júrgenimizdi istep júr. Sosyn Qadir túninde bir búldirshindi qýantsaq dep oılandyq. Keıde ol da balalarmen oınap ketedi. Anasy «áı» degen kezde, ózin jıyp alyp, tazalyqqa qaıta kirisedi. Dárethanany da osy bala tazalap júr. Alla Taǵala razy bolsyn», - dedi oqýshyǵa baǵaly syılyqty tartý etken meshit qyzmetkeri, teolog Aıdos Sharapatbekuly.