Megapolıs turǵyndary men qonaqtary zıatkerlik vıktorınaǵa qatysa alady, jeńimpazdarǵa kitap toly sebetter syıǵa beriledi.
28-30 mamyr aralyǵynda Almaty qalasyndaǵy Sh. Ýálıhanov alańynda «Almaty kitap jármeńkesi» ótedi, dep habarlaıdy Almaty-akshamy.kz
Sharanyń uıymdastyrýshysy: Qazaqstan Respýblıkasynyń Mádenıet jáne sport mınıstrligi, Almaty qalasynyń ákimdigi, Qazaqstan Respýblıkasynyń Ulttyq memlekettik kitap palatasy.
Jármeńkege qatysatyn baspalar men kitap dúkenderi oqýshylar, jastar men stýdentterge baspa ónimin arzan baǵada satyp alýǵa túrli jeńildikter jasaıdy.
Ulttyq memlekettik kitap palatasy Alash qozǵalysynyń arystarynyń, ult qaıratkerleriniń HİH ǵasyr sońy men HH ǵasyr basynda jaryq kórgen kitaptarynyń túpnusqasyn kópshilik nazaryna usynady.
28-30 mamyr aralyǵynda Almaty qalasyndaǵy Sh. Ýálıhanov atyndaǵy alańda «Almaty kitap jármeńkesi» ótedi. İs sharaǵa baspagerler, jaqyn shetelden keletin arnaıy delegasıa (Qyrǵyzstan, Reseı), otandyq 50-den astam otandyq baspalar men kitap dúkenderi qatysady.
«Almaty kitap jármeńkesiniń» maqsaty – baspa mekemeleri men kitap dúkenderiniń saýdasyn jandandyrý, kitap naryǵyndaǵy túıtkildi máselelerdiń oń sheshilýine úles qosý,kitap mádenıetiniń damýyna serpin berý; oqyrman men avtor arasyndaǵy baılanysty nyǵaıtý, kitap oqý mádenıetin qalyptastyrý jolynda dánekerlik tanytý jáne sheteldik áriptestermen tájirıbe almasý alańyn uıymdastyrý.
Poezıaǵa qyzyǵýshylyq tanytatyn aqyndar men stýdentter óz shyǵarmalaryn usynady, al otandyq estrada oryndaýshylary merekelik konsert beredi. Belgili aqyndar men jazýshylar óz kitaptaryn usynyp, qoltańba sesıasyn ótkizedi. Belgili jazýshy Rollan Seısenbaev satýdan túsken qarajatty qaıyrymdylyq qoryna berýge nıetti.
Megapolıs qonaqtary men turǵyndary zıatkerlik vıktorınalarǵa qatysa alady, jeńimpazdarǵa kitap sebetteri tabys etiledi. Jármeńkege qatysatyn baspalar men kitap dúkenderi oqýshylar men stýdentterge baspa ónimderin satyp alýǵa jeńildikter usynady.
Sonymen qatar, jármeńkede Qazaqstan Respýblıkasy Ulttyq memlekettik Kitap palatasynyń «sırek kitaptar men qoljazbalar murajaıy» eksponattary usynylady. Barlyq tilek bildirýshiler XIX ǵasyrdyń aıaǵy men XX ǵasyrdyń basynda shyqqan Alash qaıratkerleriniń túpnusqa kitaptarymen tanysa alady.
Aıtýly kúnderi baspa isin, kitap satýdy, zamanaýı balalar ádebıetin damytý boıynsha dóńgelek ústelder ótedi, onda mamandar osy máselelerdi egjeı-tegjeıli talqylaıdy.
BAQ úshin baılanys málimetteri:
Qazaqstan Respýblıkasynyń Ulttyq memlekettik Kitap palatasy
8-727-397-61-15, 8 747 334 55 01