Bul esimdi jeli paıdalanýshylary tańdap bergen.
Zoobaqtaǵy Gımalaı aıýynyń qonjyǵyna «Iassýrı» degen at qoıyldy, dep habarlaıdy Almaty-akshamy.kz.
Almaty zoobaǵynyń baspasóz qyzmetinen habarlaǵandaı, qonjyqqa at qoıý úshin áleýmettik jeli arqyly usynystar qabyldanǵan.
«Oqyrmandardyń kópshiligi «Iassýrı» degen esimge daýys berdi. Sebebi, bul jerde qonjyqtyń ákesi men enesiniń esimderi biriktirilgen. Ákesiniń aty - «Iashın» bolsa, enesi - «Ýssýrı», ekeýin qosqanda «Iassýrı» bolady. Biz de barlyq nusqalardyń ishinen osyǵan toqtap, tańdap aldyq», - dep habarlady zoobaqtyń baspasóz qyzmeti.
Sondaı-aq, qazir «Iassýrıdiń» hal-jaǵdaıy jaqsy, enesiniń qasynda júrgeni aıtyldy.