Olar ekijaqty yqpaldastyqty damytýdyń perspektıvalaryn talqylady.
Memleket basshysy Qasym-Jomart Toqaev Polsha Prezıdenti Andjeı Dýdamen telefon arqyly sóılesti, dep habarlaıdy Almaty-akshamy.kz Aqordaǵa silteme jasap.
Memleket basshysy Qasym-Jomart Toqaev Polsha tarapynyń bastamasy boıynsha Prezıdent Andjeı Dýdamen telefon arqyly áńgimelesti.
Prezıdentter bıyl eki el arasyndaǵy dıplomatıalyq qatynastardyń 30 jyldyǵy atap ótiletinin aıtty. Tarıhı ólshem boıynsha osy qysqa merzim ishinde Qazaqstan men Polsha ózara tıimdi yntymaqtastyqty damytýda aıtarlyqtaı nátıjelerge qol jetkizdi.
Sondaı-aq taraptar saıası jáne saýda-ekonomıkalyq salalardaǵy ekijaqty yqpaldastyqty damytýdyń perspektıvalaryn talqylady.
Memleketter basshylary halyqaralyq kún tártibindegi meılinshe ózekti máseleler jóninde pikir almasty.
Áńgimelesý sońynda prezıdentter ózara múddeni kózdeıtin keń aýqymdy baǵyttar boıynsha syndarly dıalogty jalǵastyrýǵa daıyn ekenin rastady.