Almatyda «TMD jáne Arab elderi úshin kıberqaýipsizdik boıynsha óńiraralyq oqý-jattyǵý» sharasy bastaldy.
Qazir álemde saıası shıelenister jıi bolady. Osy kezde eldi kıbershabýyldan qorǵaıtyn mamandardyń sany men sapasyn arttyrǵan jón.
Oǵan Orta Azıa jáne Amerıka, Eýropa elderiniń, BUU-nyń sarapshylary qatysyp jatyr, dep habarlaıdy Almaty-akshamy.kz.
Maqsat - halyqaralyq kıberqaýipsizdikti kúsheıtý. Olardyń sózinshe, tehnologıa damyǵan zamanda bul másele óte ózekti. Shara barysynda álemniń 20 memleketinen jınalǵan 16 komanda ózara tájirıbe almasyp, Qazaqstandyq ınjener, İT salasynyń mamandaryna aqparatty qorǵaýdyń tyń tásilderin úıretedi. Mundaı aýqymdaǵy shara Qazaqstanda alǵash ret uıymdastyrylyp otyr.
«Kıberqaýipsizdikti qamatamasyz etý úshin memleket jyl saıyn serverler men antıvırýs nemese faırvoldardy satyp alýǵa qyrýar qarjy jumsaıdy. Dese de, eń aldymen, onyń bárin júzege asyratyn sapaly mamandar kerek ekenin túsingen jón. Osyndaı sharalar otandyq ınjenerler, İT salasy qyzmetkerleriniń biliktiligin arttyrýǵa jáne arnaıy kadrlardy daıarlaýǵa septigin tıgizedi», - dedi Kıbershabýyldardy baqylaý ortalyǵynyń prezıdenti Oljas Satıev.