Elimizde tárbıeshiler, oqytýshylar jáne dárigerler tapshy.
Eńbek jáne halyqty áleýmettik qorǵaý mınıstrligi kóp suranysqa ıe mamandardy atady, dep habarlaıdy Almaty-akshamy.kz.
««Eńbek resýrstaryn damytý ortalyǵy» AQ-da jumys berýshiler 2022 jylǵy tamyzda Elektrondyq eńbek bırjasynda qandaı mamandardy jıi izdeıtini aıtyldy. Joǵary bilikti mamandyqtar boıynsha – tárbıeshiler, oqytýshylar jáne dárigerler»,- delingen Eńbekmıni baspasóz qyzmetiniń habarlamasynda.
Máselen, tamyz aıynda tárbıeshiler men olardyń kómekshilerine degen suranys usynystan 2 ese asyp tústi – 1,8 myń túıindemege qaraǵanda 3,9 myń bos oryn. Ekinshi orynda JOO men kolej oqytýshylary. Olar úshin 2 myń túıindememen 3,5 myń bos jumys orny jarıalandy. Dárigerler úshin 1,1 myń túıindememen 2,2 myń bos jumys orny jarıalandy.
Al biliktiligi joq eńbek qyzmetkerleriniń arasynda EPT-ǵa eń úlken suranysqa júk tıeýshiler (265 túıindemege qarsy 2,2 myń bos jumys orny) jáne qurylys salasyndaǵy jumysshylar (332 túıindemege qarsy 2,1 myń bos jumys orny) ıe boldy.
Bul rette mamandar boıynsha eń úlken profısıt qarjygerler (10 bos orynǵa 324 túıindeme), zańgerler (304 bos orynǵa 1242 túıindeme), avtomehanıkter (65 bos orynǵa 354 túıindeme), bıotehnologtar (12 bos orynǵa 256 túıindeme), feldsherler (268 bos orynǵa 681 túıindeme) jáne mal ósirýshiler (95 bos orynǵa 464 túıindeme) arasynda bos jumys oryndary baıqaldy.