Sot sheshimi boıynsha turýǵa jatpaıtyn iri nysan buzyldy, dep habarlaıdy Almatynyń qala qurylysyn baqylaý basqarmasy.
Menshik ıesi «óndiristik oryn» maqsaty bar jer ýchaskesine alańy 470 metrge jýyq nysan salǵan ári munda memlekettik qordyń jeri de ishinara paıdalanylǵan. Ol Brúsov kóshesi, 4, Skrábın kóshesi, 35 qıylysynda ornalasqan.
Aıta keterligi, qala qurylysyn baqylaý basqarmasy 2021 jyly menshik ıesine talap aryz berýge bastamashy boldy, sodan keıin sot prosesteri bastaldy.
Almaty qalalyq sotynyń 2022 jylǵy 27 sáýirdegi qaýlysymen birinshi satydaǵy sottyń obektini ishinara buzý týraly 2021 jylǵy 2 qarashadaǵy sheshimi ózgerissiz qaldy.
2022 jylǵy 27 mamyrda sot oryndaýshysy atqarýshylyq is qozǵady jáne menshik ıesiniń atyna 2022 jylǵy 13 maýsymǵa deıin sot sheshimin erikti túrde oryndaý týraly hat joldady, ony menshik ıesi oryndamady.
Búgin nysan sot oryndaýshylarynyń qatysýymen súrilýde.